Liedboek van Kathryn van Hatzfeldt

XX.

Nu starcke vns got in vnßer noit

Idt laich eyn armer sůnder und slieff
also lange dat yn der hylge engell vp rieff ,
stand vp sůnder vnd synge vns dat hylge dage liedt.

Nu sterck vns got in vnser noit,
ich beůelhen here mich in dyn gebot,
lais uns diesen dach genedichlichen oeůerschinen.

Der namen dry beůelhen ich mich,
heren in allen mynen nůeden myn und wair sy,
des crůytzes kraft stae myr hůde vur alle myne pyne.

Dat swert dair her Symeon zu voren van spraich,
dat Marien durch yer reyne hertze stach,
do sy an sach
dat Christus stundt in lyden,

Dat stae mir hůyde an miner rechter hant,
beschirme mich heer vůr doit sunden bant,
gantz vngeschant,
wan sich myn hertz hyn keret.