Liedboek van Kathryn van Hatzfeldt

[fol. 13r]

XIII.

Wulde got dat idt geschege
zu diesem nůwen Jair
das mich myn schones lieff anesiege
myt yeren aůgen klare,
ere angesicht erfreůwet mich,
dar zů ere frůntlich laichen,
es gesche wes geschiehen sall,
sy kan waile frůntlich machen.

Nw halt dich stede ind vast,
das wyll jch van dyr haben,
off eyner qweme, dich dar vmb bede,
kere dich nyet an syn sagen,
Jch wyll mich leytz ergetzen
aber hy sall waile weder komen,
es geschie wes geschiene sall,
das hayn jch wail vernomen.

Ade ade zu gůder nacht,
wyr tzwey wyr moissen scheyden,
wanne fůyr und strůe by eynanderen liget
balde das ys verbrennet,
fair hyn fair hyn die straeß ist weydt,
fair yn frembden landen,
sulcher boilschafft darff jch neyt,
die mich brenget zo schanden.