Liedboek van Kathryn van Hatzfeldt



[Folio 9r]
IX Es daget wonencklichen waile schynet der heller dach, van yere so moys jch wichen das ist mynes hertzen eyne klaige, sall jch nů van dyr scheyden all van der liefsten zart, so geschaich myr nye so leyde, sprech jch by mynem eyde vurwair, sy liefft myr hart. Jch hayn es myr gantz vermessen Jch wulde geyne lieůer nyet hayn, Noch hait mich die lieffde besessen dů goider geselle schone Jch hayn mich dyr ergeůen Jn rechter stedichheit, nae dynem wyllen zu leůen, nochtant so moys sterůen Jst dat nyet jamer groyss. Geselle dů darffs nyet sorgen du hais dat hertze myn, waile schynet der lichter helle morgen zu eyner vynsteren jn, der vns tzwey verdryůen van vnsern vrewden spyll, O we mich armes wyůen, dat hertz yn mynem lyuen dat lydet kommers vyll.