Het liedboek van Liisbet Ghoeyuaers
(1966)–Anoniem Liedboek van Liisbet Ghoeyvaers, Het–
Auteursrechtelijk beschermd
[pagina 179]
| |
XXXVI1[regelnummer]
Ga naar margenoot+ O eeuwige wijsheit daer menich iaer
Die oude vaders openbaer
Om riepen met penitencien swaer
Ghy sijt ons nv gegeuen
2[regelnummer]
O adonay o heere groot
Ghy hebt aensien ons groote noot
En sijt in eender maget scoot
Als een cleyn kint gelegen
3[regelnummer]
O wortel van yesse want ghy sijtGa naar eindnoot3,1
Die suete weerde gebenedijt
Daer god af woude in deser tijt
Mensceliker natueren leuen
4[regelnummer]
O sloetel heer dauids ewich goet
En ghy hebbet uwen grammen moetGa naar eindnoot4,2
Al gewandelt in oetmoet
Ga naar margenoot+ En onsen val vergeuen
5[regelnummer]
O blickende raey des hemels troon
Ghy sijt die eeuwige sonne scoen
Ende eender puerder maget soen
Daer hemel ende eerde voer beuen
6[regelnummer]
O coninc des volcx gelooft sy dy
Dat ghy ballinge maket vri
Des moet v een yegelijc wie hy sy
ewige glorie gheuen
7[regelnummer]
O edel coninc emanuel
Wy weten alle gader wel
Dat ghy ons moecht ende niement el
Die ewige glorie geuen
|
|