Het liedboek van Liisbet Ghoeyuaers
(1966)–Anoniem Liedboek van Liisbet Ghoeyvaers, Het–
Auteursrechtelijk beschermd
[pagina 173]
| |
XXXIIIOp wie wilt horen sin/
gen van enen tymmerman
De sancta maria virgine.
1[regelnummer]
Wi wilt horen singenGa naar eindnoot1,1
Van enen leeu seer gram
Hoe die maget maria
Aen sine minne quam
2[regelnummer]
Dat vernam een bode
Die engel gabriel
Hy was gesonden van gode
Al toe der maget snel.
3[regelnummer]
Ga naar margenoot+ God gruet v vol genaden
Sprac hy ter maget fijn
Die heere is vanden troone
Wilt sijn v kindekijn
4[regelnummer]
Ghy droecht negen maenden
Der engelen coninc
Van v soe was geboren
Ihesus de iongelinc
5[regelnummer]
Ghy leit dat kindeken cleyne
Al in een crebbekijn
Al voer twee stomme beesten
Die ewege sone fijn
6[regelnummer]
Hoe wel was v te moede
O moeder ende maget fijn
Doen v dat kindeken cleyne
Ga naar margenoot+ Boet sijn root mundekijn
| |
[pagina 174]
| |
7[regelnummer]
Ghy moest van vrouden beuen
Dat es wel openbaer
Doen op v sloech sijn ogen
Die ewige godheit claer
8[regelnummer]
Ghy naempten in uwen arme
Ende gaeft hem in uwen scoot
V meechdelike borste
Al in sijn mundeken root
9[regelnummer]
Sijn bruyn oegxken scone
Sloech hy in sijn aenschijnGa naar eindnoot9,2
Hy was v eygen sone
Die ewige godheit fijn
10[regelnummer]
Als ghy den kindeken cleyne
Ga naar margenoot+ O moeder wel gedaen
Met uwen handen reyne
Sijn voetken wil gaen dwaenGa naar eindnoot10,4
11[regelnummer]
Verleent my scone vrouwe
Die ogen alsoe nat
Dat ic met minen tranen
Bereiden mach dat bat
12[regelnummer]
Als ghijt heft uten bade
Dat proper kindeken cleyn
Wilt hem van mijnder herten
Maken een beddeken reyn
|
|