Het liedboek van Liisbet Ghoeyuaers
(1966)–Anoniem Liedboek van Liisbet Ghoeyvaers, Het–
Auteursrechtelijk beschermd
[pagina 161]
| |
XXVIIDits van sinte berbelen 1[regelnummer]
Scoender maeght voer noch na
En was noeyt geboren
Dan die edel barbara
Wonderlijc vercoren
2[regelnummer]
Sy was vanden geslechte
Der coninginne marien
Wy moetense wel met rechte
Alle gebenedien
3[regelnummer]
Sy was van allen consten wijs
Wel geleert al openbare
Van allen doeghden heeft sy prijs
Ga naar margenoot+ Geen gebrec en was in hare
4[regelnummer]
Bouen al die heilige geest
Hy leerese van binnen
Met sinen lichte alder meest
Die godheit claer bekinnen
5[regelnummer]
Haer was gesonden herde snel
Een ingel uten troone
Diese int geloue stercte wel
Der hoger drie persone
6[regelnummer]
Ende sy sach ter seluer stont
Enen edelen iongelinc
Die aent cruce was doer wont
Dat haer diep int herte ginc
7[regelnummer]
Barbara die edel ioncfrouwe
Ga naar margenoot+ Heeft gode bouen al gemint
Ende hem gehouden vaste trouwe
Als men in haer leuen vint
| |
[pagina 162]
| |
8[regelnummer]
Die minne was soe ouer groot
Als sy wel dede in scijne
Sy en ontsach torment noch doot
noch geenderande pine
9[regelnummer]
Gheen mertelarse en was soe gelijc
Der passien ons liefs heeren
Die nie quam op eertrijc
Wine connense niet vol eeren
10[regelnummer]
Barbara rose ende lelie wijtGa naar eindnoot10,1
alder sielen vrouwe
Waer ghy onsen heere voer bit
Gecrijcht van sonden rouwe
11[regelnummer]
Ga naar margenoot+ Ende sijn heilich sacrament
Ons heeren lichame ende sijn bloet
Daer men ewich leuen in vint
Ende oec oueruloedich goet
12[regelnummer]
O dierbaer sceen van dooden rijchGa naar eindnoot12,1
Wilt ons te gode leiden
Der maget marien meest gelijchGa naar eindnoot12,3
Van genedicheiden
13[regelnummer]
Xpristus sprac in sijnder doot
Vergeeft des sonde vader mijnGa naar eindnoot13,2
Also dat die in uwer nootGa naar eindnoot13,3
Voer alle die in sonden sijn
|
|