Het liedboek van Liisbet Ghoeyuaers
(1966)–Anoniem Liedboek van Liisbet Ghoeyvaers, Het–
Auteursrechtelijk beschermd
[pagina 141]
| |
XVI1[regelnummer]
Laet ons eeren ende louen
Eenen hogen sant.
Hi siert met edelen doechden.
Al dat hemels lant.
R[regelnummer]
En hi sal comen ten ordeel godsGa naar eindnootR
Geteekent metten teeken
Des eewichs woorts.
Metten heilegen ·v· wonden.
Ga naar margenoot+ Dat wet voirwaer.
Die selen wi daer scouwen openbaer.
2[regelnummer]
In erterike ende in hemelrike.
En vintmen niet.
Dat dese groote eere.
Yemende es gesciet.
En hi sal comen.
3[regelnummer]
Hi heeft verlicht al kerstenheit.
Dese hoghe man.
Met drien heilegen ordenen.
Die hi stichte dan.
En hi sal comen.
4[regelnummer]
Hi es een vader der minderbrueders
Ende der claren dat wet.
Ende ooc der derder orden.
Es hi een prinse geset.
En hi sal comen.
5[regelnummer]
Ga naar margenoot+ Franciscus es een bloeme.
Der genadicheit gepresen.
Die willen mogent.
In sijn leuen lesen.
En hi sal comen.
| |
[pagina 142]
| |
6[regelnummer]
Int hoechste willich armoede.
Soe was hi geraect.
Van miltheden ende van minnen.
Was hi al volmaect.
En hi sal comen.
7[regelnummer]
Franciscus es een die meeste.
Geminde in hemelrijc.
Want die almechtich coninc.
Tsierden hem seluen gelijc.
En hi sal comen.
8[regelnummer]
In handen in voeten int herte fijn.Ga naar eindnoot8
Hi mach wel een claer spiegel sijn
Die al verblijt dat hemelsce hof.
Ga naar margenoot+ Des heefti eewich eere ende lof.
En hi sal comen.
9[regelnummer]
Nv hulpt ons heilege vader.
Noch na deser tijt.
Onder v banieren.
Want si es herde wijt.
En hi sal comen.
|
|