Het liedboek van Liisbet Ghoeyuaers

[p. 135]

tekstkritische noten

1,3 bequame: welgevallig.
1,4 hiten: hij hem. Cf. voor de ingevoegde t Mnl. Wb. VIII, 2. hem seluen gelijc: n.l. met de vijf wonden.
2,5 scriftuere: de H. Schrift. Cf. Inleiding, pag. 62.
3,3 Wapenen: wapentekens, insignia. Bedoeld zijn de vijf wonden.
4,4 ha: volgens Van Loey, Vormleer, pag. 65, een Brabantse en Limburgse vorm van het praeteritum van hebben.

XIII

⁺ Kinder loeft den ingel fijn.
hi vliecht soe hoge vor gods aenscijn
Ende es hem soe bequame.
Dat hiten scierde hem seluen gelijc.
Franciscus es sijn name.

Wi vinden alleen van hem bescreuen
Dat hem die gods sone woude geuen
Sijn wapen al ongebroken.
Daerom es hi hem meest gelijc.
Heeft ons scriftuere gesproken.

Nv laet ons eeren den ingelscen man.
Die den hemel versieren can.
Met wapenen sonder gelike.
Hi leit ons vor den ingelen rey.
En ciert dat hoge rike.

⁺ Als ic doergae dat hemels lant
Ende aensie soe menegen sant.
Geciert met duechden scone.
Soe en ha nieman die wonden dan hi.
Gelijc den sueten gods sone.

Recht armoede was sijn scat.
Want hi niet en woude noch niet en besat
Van genen eertschen dingen.
Daerom es hi nv hoechst gecroent
Al daer die ingelen singen.

Niet gelijc den gemeynen sant.
Es sinen loen int hemels lant.
Maer vanden hoechsten steden.
Hi heeft met siere oetmoedicheit
Den hemel al doer treden.

+ 29ro

+ 29vo

[p. 136]

7

⁺ O suete vader o weert patroen.

 

Bidt uwen broeder den gods soen.

 

Dat hi ons wil vergeuen.

 

Ons mesdaden menichfout.

 

Al in dit broesche leuen.

 

 

8

O suete vader bewijst v duecht.

 

Want ghi vor alle man vermuecht.

 

Comen ten veegeuier stringe.

 

Alle iare op uwen dach.

 

Bewijst aen ons v minne.

 

 

9

Als wi sijn in die groote noet.

 

En liggen in die bitter doot.

 

O ingel vol genaden.

 

Toent ons dan v wondeken roet.

 

Ghi sijt vol caritaten.

+ 30ro