Het liedboek van Liisbet Ghoeyuaers

[p. 123]

tekstkritische noten

1,4 ontsach hem das: hij was er beducht voor, das om wille van het rijm uit des.
1,6 Sijn rike was groot: cf. Stoett Middelnederlandsche Spraakkunst, Syntaxis, 2de druk, pag. 36. Zie ook lied XXII str. 6.
6,3 met onsten: met gunstbetoon.
8,7 onne: verlene.

IX

Een kindeken es ons geboren⁺
in bethleem.
Dies hadde herodes toren.
Dat scheen aen hem.

Als herodes dat vernam.
Dat dat kindeken geboren was.
Dies was hi tornich ende gram.
Want hi ontsach hem das.
Dat hi verliesen soude.
Sijn rike was groot.
Hi peinsde hoe hi moch bringen.^1,7
Dat cleyne kint ter doot.

Een kindeken.

⁺ Drie coningen vut orienten.
Quamen te iherusalem.
Si vraechden waer hi was geboren.
Die coninc der ioden.
Si sagen in orienten.
Die sterre sijn.^2,6
Si wilden hem aenbeden.
Hi es soe fijn.

Een kindeken.

Herodes sprac den coningen toe.
Nv gaet ende soeket tkint.
Met alsoe grooter weerdicheit.
Men seit hi es coninc.
Coninc bouen alle coningen.
Soe es hi fijn.
Men seit hi sal besitten.
Dat rike mijn.

Een kindeken.

+ Voor de volgorde der strofen vergelijke men het hoofdstuk over de varianten, pag. 91.

1,7 Lec. vulde een t aan in het woord moch.

+ 21ro

2,6 Die is in het hs. verbeterd uit De.

[p. 124]

4

⁺ Als ghi dat kint hebt vonden

 

Keert weder tote my.

 

Dat ic in corten stonden.

 

Mach weten waer het si.

 

Dat ic mach aenbeden.

 

Dat suete kindekijn.

 

Het heeft soe seer doersneden.

 

Dat herte mijn.

 

Een kindeken.

5

Alse die coningen quamen.

 

Buten iherusalem.

 

Met vrouden dat si sagen.

 

Die sterre gaen vor hem.

 

Toter tijt dat si vonden.

 

Dat suete kindekijn.

 

In doekelkine gewonden.

 

Al bider moeder sijn.

 

Een kindeken.

6

⁺ Die coningen aenbeden tkint.

 

Van xiij·dagen out.

 

Si offerden hem met onsten.

 

Mirre wieroec ende gout.

 

Ende al met grooter vrouden.

 

Het scheen wel sijn noet.

 

Si vondent daer ter stede.

 

Van hauen bloet.

 

Een kindeken.

7

Tsnachts alsi slapen souden.

 

Quam dingel tote hem.

 

Dat si niet keeren en wouden.

 

Al dore iherusalem.

 

By eenen anderen wege.

 

Soe sijn si gekeert.

 

Al in haer conincrike.

 

Soe men ons leert.

 

Een kindeken.

+ 21vo

+ 22ro

[p. 125]

8

⁺ Nv bidden wi den kinde.

 

Dat ihesus es genaemt.

 

Dat hi ons wille bringen.

 

Al in dat soete lant.

 

Daer die ingelen louen.

 

Gode in alder tijt.

 

Des onne ons die vader die sone.

 

Die heilege geest gebenedijt.

 

 

R

Een kindeken es ons geboren.

 

In bethleem.

 

Dies heeft herodes toren.

 

Dat scheen aen hem.

 

 

 

Dit leiisenbuecsken hoert thoe

 

suster liisbet ghoeyuaers ...(et aliis?)

+ 22vo