Den Bybel met groter neersticheyt ghecorrigeert (Liesveltbijbel 1542)

¶ Hier na volget die Epistel die Paulus sandt tot die van Ephesen.

¶Hier wordt ghestelt den voorspoet vanden sommighen ende werden ouerdocht die weldaden, die den Apostelen ende die van Ephesien ghedaen sijn.

Dat .I. Capittel.

1

⁺PAulus een Apostel Iesu cristi, door den wille gods

Den heiligen tot Ephesien ende den geloouigen in Cristo Iesu.

+ A vers 1

2

Genade si met v ende vrede van God onsen vader ende den HERE Iesu Cristo

3

† Gebenedijt is God ende die vader Iesu cristi, die ons gebenedijt heeft met alderley ^a geestelijcker gebenedijnge, in hemelscen wesen, door Christum,

a Gheestelijcke benedijdinghe, dat zijn alle hemelsche gauen, ende diuersce gratien des heylighen gheests. Psal. xx Ro. vij.c

4

Ghelijc hi ons wtuercoren heeft door denseluen, eer der werelt gront geleyt was, dat wi souden sijn heylich ende onstraffelijc voor hem inder liefden,

5

ende heeft ons gheoordineert tot der kindtschap teghen hem door Ihesum Christum, na dat goet behagen sijn willens,

6

tot loue der heerlicheyt sijnder ghenaden, door welck hy ons heuet aenghenaem ghemaeckt inden beminden.

7

Aen welcken wi hebben die verlossinge, door sijn bloet, namelijc die vergeuinge der sonden, nae den rijcdom sijnder ghenaden,

8

die in ons ouergeuloeyt heuet door alderley wijsheyt ende cloecheyt,

9

ende heeft ons laten weten die verholentheyt sijns willens, na sinen welbeghen, ende heeft dat selue hier voortghebracht door hem, dattet gepreect soude werden, doen die tijt veruult was,

10

op dat alle dinc vernyeut soude worden door Iesum Christum, beyde dat in hemele is, ende ooc inder aerden ende hem onderdanich werde

11

door welcken wi ooc tot dat deel der eruen gecomen sijn, die te voren daer toe geoordineert sijn nae dat voornemen des gheens, die alle dinc werct na den raet sijns willens,

12

op dat wi een wesen souden vercrijgen tot loue sijnder heerlicheyt, wi die te voren op Christum hoopten. *

13

⁺Des sijt ooc ghi, doen ghi gehoort hadt dat woort der waerheyt, namelijc, dat Euangelium van uwer salicheyt, aen welcken ghi ooc gelooft hebt, sijt ghy verseghelt geworden met den geest der beloften, dat is, met den heyligen geest,

+ C vers 13

14

welcke is dat pant onser erffenissen, tot onser verlossinghen, wi die sijn eygendom sijn, tot loue sijnder heerlicheyt.

15

Daerom ick ooc, na dat ic gehoort hebbe, vanden gelooue by v, aen den HERE Iesum, ende van uwer liefden tot allen heyligen,

16

so en houde ic nyet op te dancken voor v, ende gedenct uwer in mijn gebet,

17

op dat die God ons HEREN Iesu Cristi, die vader der heerlicheyt, v gheue den geest der wijsheit, ende der openbaringen tot sijns selfs kennisse,

18

ende verlicht die oogen ws verstants, dat ghi bekennen moecht welcke daer is dye hopinghe ws roepens, ende welcke is dat rijcdom des heerlijken erffenissen aen sinen heyligen,

19

⁺ende welcke daer sijn die oueruloedelike grootheyt sijnder crachten aen ons, wi die gelooft hebben, na die werckinghe sijnder machtiger stercheyt,

+ D vers 19

20

welcke hi gewrocht heeft in Cristo, doen hi hem vander doot verwecte, ende geset tot sijnder rechter hant in hemelscen wesen, ouer alle heerlicheyt

21

ende gewelt, macht ende heerscappie, ende alle dat genoemt mach worden, niet alleen in deser werelt, mer oock inder toecomender,

22

ende heeft alle dinc onder sijn voeten ghedaen, ende heeft hem gheset voor alle dingen tot een hooft der vergaderingen,

23

welcke daer is sijn lichaem, ende de volheyt des geens, die alle in allen veruult