Den Bybel met groter neersticheyt ghecorrigeert (Liesveltbijbel 1542)

Hier beghint dye eerste Epistel van sinte Pauwels totten Corinthen.

Die Apostel prijst die van Corinthen, ende vermaentse tot eendrachticheyt, die ghene die haer beroemen gedoopt ende bekeert te sine, van diueersce Apostelen, Ende dat God sot heeft gemaect de wijsheyt der werelt.

Dat .I. Capittel

1

⁺PAulus gheroepen tot een Apostel Iesu Cristi door den wille Gods, ende Sostenes een broeder.

+ A vers 1

2

Der kercken Gods die te Corinthen is, den geheylichden in Cristo Iesu, ende den geroepen heyligen, met allen die den naem ons HEREN Iesu Cristi aenroepen in alle hare ende onse plaetsen.

3

Genade si v ende vrede, van Gode onsen vader ende den HERE Iesu Cristo.

4

† Ic dancke mijnen God altoos van uwen wegen, vander gracien Gods die v gegeuen is in Cristo Iesu,

5

dat ghi sijt door hem in allen saken rijc ghemaect in alderley woorden, ende in alderley kennisse, also dat die predicatie Cristi in v crachtich geworden is,

6

also dat v niet en gebreect in eeniger gauen, ende verwacht alleen de openbaringe ons HEREN Iesu Cristi,

7

die v vestigen sal totten eynde, dat ghi onstraffelijc sult sijn inden dage ons HEREN Iesu Cristi. *

8

⁺Want God is getrouwe, ⁺ door wien ghi geroepen sijt totter gemeynscap sijns soons ons HEREN Iesu Christi.

+ B vers 8

+ i.tes. v b

9

Mer ic vermane v lieue broeders, door den naem ons HEREN Iesu Cristi, dat ghi alle van eenen sin sijt, en laet gheen tweedracht onder v sijn, maer sijt volmaect in eenen sin, ende in eenderley meyninghe.

10

Want mi is te voren gecomen van v, door dye wt Cloes gesinne sijn, datter twist onder v is.

11

Dit segge ic om dat eenige onder v segghen. Ick hoor Paulus toe, Dye andere, Ick hoore Appollo toe, Dye derde

[p. *]

ic hoor Cephas toe, die vierde, ic hoor Christus toe

12

Hoe is Cristus in stucken gedeylt. Is Paulus voor v gecruyst? Oft sijt ghi ghedoopt in Paulus name?

13

Ic dancke mijnen God dat ic nyemant van v ghedoopt en hebbe dan Crispum ende Bayum, Op dat nyemant en segge dat ghi gedoopt sijt in mijnen naem.

14

Ic hebbe ooc gedoopt die den huyse Stephani toebehooren. Anders en weet ic niet of ic yemant van v gedoopt heb

15

Want Cristus en heeft mi niet gesonden te doopen ⁺ mer om dat ^a Euangelium te prediken, niet inder wijsheit der woorden, op dat dat cruys Christi nyet vernielt en werde,

+ C vers 15

a Euangelium preken dat is te vercondigen die gracie Gods die ons door cristum ghegeuen is esa. xl.c.

16

Want die prekinge des cruys, dunct den genen die verloren worden, een gecheyt, Mer ons den genen die salich werden, ist een cracht Gods,

17

want tis gescreuen, Ic sal die wijsheyt der wijsen te niet maken, ende dat verstant der verstandiger wil ic verworpen,

18

Waer sijn die wijse? waer sijn die geleerde inder scriftueren? waer zijn die ondersoeckers deser werelt?

19

en heeft God die wijsheit deser werelt niet sot gemaect

Want aengesien dat de werelt door haer wijsheit God in sijn wijsheyt niet en bekende, ⁺ so behaechdet God wel door sotte predicatie salich te maken, dye daer aen geloouen, ⁺

+ D vers 19

+ Esaie xxxiij.c

20

Want die Ioden eysschen teykenen, ende die Heydenen soecken wijsheit,

21

Mer wi prediken Cristum gecruyst. Den Ioden in ergernisse, ende den Heydenen in sotheyt,

22

mer den geroepen Ioden ende Heydenen dien preken wi Cristum, die moghentheit ende die wijsheyt Gods,

23

want Gods gecheyt is wijser dan de mensche sijn. Ende die crancheyt Gods, is stercker dan dye menschen sijn.

24

† Siet aen lieue broeders, uwe roepinge, want niet vele wijser lieden na den vleesce, niet vele machtiger, niet vele edelder sijn geroepen,

25

mer dye sot sijn voor die werelt, heeft God vercoren, op dat hi dye wijse beschamen soude,

26

ende wat cranc is voor die werelt, heeft God vercoren, op dat hi die stercke bescamen soude,

27

ende die onedele ende versmade voor de werelt, heeft God vercoren, ende datter niet is, op dat hi te niete soude doen, dat wat is,

28

op dat voor hem geen vleesch en beroeme, Wt welcken ghi ooc sijt in cristo Iesu, die ons van God gemaect is tot wijsheyt ende tot gerechticheyt, ende tot heylichmakinge ende tot verlossinge, ⁺

+ Hie. ix.g

29

op dat, also als gescreuen is die hem beroemt sal hem inden HERE ^b beroemen. *

b In gode beroemen is gastelic op sijn belofte betrouwen. Ier. vi.g ro. viij.c