Den Bybel met groter neersticheyt ghecorrigeert (Liesveltbijbel 1542)

Die Apostel proponeert den Romeynen sommige exempelen van goede menscen, om na te volgen, Ende hy vermaentse tot volstandicheyt, ende datse haer wachten souden van valsce leeringen.

Dat .xvi. Capittei.

1

⁺IC beuele v onse suster Phebe, die welcke inden dienst der kercken is tot Cenchrea,

+ A vers 1

2

dat ghijse ontfangt inden HEERE, gelijc dat betaemt den heyligen, ende doet haer bistant in alle saken, daer si uwer inne behoeft, Want si heefter ooc vele bi gestaen ooc mi seluen.

3

Gruet Priscam ende Aquilam mijn hulpers in Christo Iesu, die welcke haer halsen voor mijn leuen ouergeuen hebben, die welcke ic alleen niet en dancke, mer alle die vergaderinge onder die Heydenen, Ooc gruet de vergaderinge die in haer huis is,

4

gruet Epinethon mijn liefste, die welcke is die eerstelinghe onder die van Achaia in Cristo,

5

gruet Mariam die welcke veel gearbeyt heeft in v,

6

gruet Andronicon ende Iuniam mijn vrienden ende medegeuangen, die welcke vermaerde Apostelen sijn, ⁺ ende voor mi geweest sijn in Christo,

+ B vers 6

7

Gruet Ampliam minen liefsten inden HERE,

8

gruet Vrbaen onsen hulper in Christo, ende Stachin minen geminden,

9

gruet Apollem den geproefden in Cristo, gruet die gene, die van Aristobolus gesin sijn,

10

gruet Herodionem mijnen vrient, gruet die van Narciscus gesin zijn inden HERE,

11

gruet Triphenam, ende Triphosam, dye welcke gearbeyt hebben inden HERE.

Gruet Perfidiam mijn liefste, die veel ghearbeyt heeft inden HERE,

12

Gruet Rufum den wtuercoren inden HERE, ende sijn ende mijn moeder.

13

Gruet Asincritum Phlegonten, Herman, Patro van Hermen ende die broeders die bi hem sijn,

14

Gruet Philologum ende Iuliam, Nerium ende sijn suster ende Olimpam, ende alle heyligen bi hen.

15

Gruet v onder malcanderen met eenen heyligen cusse.

16

Alle die vergaderingen Cristi grueten v.

† Ic vermane v lieue broeders, dat ghy mercken wilt, ⁺ op die ghene die tweedracht ende ergernisse maken, neuen die leere die ghi geleert hebt, ende sceyt v van alsulcken,

+ C vers 16

17

Want alsulcke en dienen niet den HERE Iesu Cristo, mer haren buyck, ende door soete pre-dicatie ende smeekende woorden, verleyden si die ontsculdige herten,

18

Want uwe gehoorsaemheyt is alle man openbaer geworden, daerom verblide ic mi met v lieden, mer ic wil dat ghi wijs sijt int goede, ende simpelic int quaet,

19

Ende God des vreden moet vertreden den duyuel haestelic onder v voeten, dye gratie ons HEEREN Ihesu Christi si met v lieden. *

20

⁺V doen grueten Timotheus mijn hulper, Ende Lucius ende Iason, ende Sofipater mijn vrienden,

+ D vers 20

21

Ick Tertius gruet v, die desen brief ghescreuen hebbe, inden HERE,

22

Gayus groet v, mijn ende der geheelder vergaderinge weert. V doet grueten Erastus der stadt Rentmeester, ende Quartus dye broeder,

23

dye gratie ons HEREN Iesu Christi, si met v allen.

24

Die selue die v stercken can na dat luyden mijnder Euangelien ende predicatie van Iesu Cristo, het welc gepreect is, na den aert der ontdeckinge der verborgentheyt, het welc vander werelt tijden gheswegen is geweest,

25

mer nv geopenbaert ende ooc cont ghedaen, door die scriften der Propheten, wt beuel vanden eewigen God, die gehoorsaemheyt des geloofs op te rechten onder alle heydenen,

26

den seluen God, die alleen wijs is, si prijs door Iesum Cristum inder eewicheyt Amen

¶ Gesonden was desen brief totten Romeynen van Corinthen, door Pheben, welcke een dienersse was der kercken van Cencrens