Den Bybel met groter neersticheyt ghecorrigeert (Liesveltbijbel 1542)

Die Apostel verdruct die verwijtinge der Heydenen, dye welcke si hadden tegen die Ioden. Ende hi settet die tegenwoordighe verblintheyt der Ioden, Ende int eynde wert besloten die diepheyt der wijsheyt.

Dat .xi. Capittel.

1

⁺SO seg ic nv. Heeft dan God sijn volck van hem gestooten? Dat si verre. Want ic ben ooc een Israelijt, vanden sade Abrahams, wten geslachte BenIamin.

+ A vers 1

2

God en heeft sijn volc van hem niet gestooten, ⁺ dat hi te voren voorsien heeft.

+ iij.re. vi.b.

3

Oft en weet ghi niet dat die scriftuere seyt van Helia, hoe hi voor God trect tegen Israel, ende seide. HERE, si hebben uwe propheten gedoot, ende hebben uwen outaer wtgegrauen, ende ic ben alleen ouergebleuen, ende si staen na mijn leuen.

4

Mer wat seyde hem die Godlijcke antwoorde, Ick heb mi noch behouden seuen duysent mannen, die hare knyen niet gebogen en hebben voor Baal.

5

Alsoo ist ooc met desen ouergebleuen, na die verkiesinge der genaden, nv ter tijt geschiet. Aldus ist wt genade gesciet, so is die verdienste niet,

6

Want anders en wil die gracie geen gracie sijn. Mer ist wt verdienste, so en is die gracie niet, ⁺ anders en waer verdienst geen verdienst.

+ B vers 6

7

Hoe nv dan. ⁺ Dat Israel gesocht heeft dat en heuet hi niet vercregen, mer die verkiesinge heuet vercregen, die ander sijn verhert.

+ esa. vi.a

8

Gelijc als gescreuen staet. God heeft haer gegheuen eenen wroegenden geest, oogen dat si niet sien en souden, ende ooren dat si niet hooren en souden, tot op desen dach toe,

9

ende Dauid spreect. Laet haer tafelen worden tot eenen stricke, ende tot eender begripinge, ende tot arghernisse, ende haer tot vergeldinge.

10

Verblint haer oogen dat si niet en sien, ende ^a buycht altijt haren rugge.

a Rugge buyghen, dats datse niet alleen van buyten geslagen en sijn, mer datse verblint blijuen ende den HERE niet en aenroepen. ps. lxvij.

11

Also segge ic nv. Hebben si daerom aengelopen om dat si vallen souden? Dat si verre, Maer wt hare misdaet, is den Heydenen die salicheyt gesciet, om dat hijse tot ernstige nauolghinghe verwecken soude.

12

Wat oft haren val der werelt rijcdom was, ende haer af nemen der Heydenen rijcdom, Hoe veel te meer als haer volheyt daer ware? Ic spreke met v heydenen,

13

Want nv dat ic der heydenen Apostele ben, so wil ic mijn ambacht prijsen,

14

oft ic mochte die ghene die mijn vleesch sijn, tot neerstiger nauolginge verwecken, ende haerder sommige salich maken,

15

want ist dat haer verlies, des werelt versoeninghe is, Wat waer dat anders, dan oftmen dat leuen vanden dooden name,

16

Ist meel heylich, soo ist gheheel deech oock heylich, ende is die wortel heylich, so sijn ooc die tacken heylich.

[p. *]

ken heylich,

17

Mer oft nv sommige vanden tacken ghebroken sijn, ende ghi, doen ghi eenen wilden olijfboom waert sidi onder haer geplant ende deelachtich geworden der wortelen ende des saps des olijfbooms,

18

⁺en beroemt v niet tegen die tacken. Ist dan dat ghi v daer tegen beroemt, so en draecht ghi die wortel niet, mer de wortel draecht v, So spreect ghi,

+ C vers 18

19

die tacken sijn gebroken op dat icker in gegriffijt soude worden.

20

Tis wel ghesproken, si sijn gebroken om haers ongeloofs wil, mer ghi staet doort geloue, en sijt niet ^b stout, mer vreest v.

b Stout sijn, dats ghoet behagen, van hem seluen hebben ende sijns selues roemen.

21

Want heeft God die natuerlijcke tacken niet ghespaert, dat hi v ooc ter auontueren niet en spare.

22

Daerom siet aen die goetheyt, ende den ernste Gods, ende die strengicheit, aen die gene die geuallen sijn, ende die goetheyt aen v, also verre als ghi aen die goetheit blijft. Anders soudy ooc wt ghehouden worden,

23

ende ist dat dander niet en blijuen int gelooue, so sullen si wederom ingeplant worden. God canse wel weder in griffien.

24

Want ist dat ghi wten onnatuerliken olijfboom gehouwen sijt, ende tegen natuere inden olijfboom ghegriffijt, hoe veel te meer sullen die natuerlijcke ingegriffijt worden, in haren eygen olijfboom.

25

† Ic en wil niet verswijgen lieue broeders, dese verholentheyt, op dat ghi niet wijs bi v seluen en sijt, Israel is eens deels blintheyt toe comen, also lange tot dat die volheyt der heydenen ingegaen si,

26

ende alsoo dat geheel Israel salich soude worden, gelijc als ghescreuen staet. Hi sal comen wt Sion die verlossen ende af keeren sal dat ongodlic wesen van Iacob,

27

ende dit is mijn testament tot haer, wanneer ic haer sonden wech nemen sal,

28

Na der euangelien houde icse voor vyanden om uwent wille, Mer na der verkiesinge so heb icse lief om der vaderen wille.

29

⁺Gods gauen ende roepingen, en moghen hem niet berouwen,

+ D vers 29

30

Want gelijckerwijs als ghi ooc voortijts niet gelooft en hebt aen God, maer nv hebt ghi ontfermherticheyt vercregen, om haer ongeloouicheyt

31

also en hebben si nv niet willen gheloouen aen die ontfermherticheyt die v gheschiet is, op dat si oock ontfermherticheyt vercregen,

32

Want God heeft alle dinc besloten onder die ongeloouicheyt, op dat hi haerder alder ontfermen soude. *

33

† O welc een diepheit der rijcdommen, beyde der wijsheyt ende der kennisse Gods, Hoe veel onbegrijpelijc sijn sijn oordeelen, ende ongrondelic sijn sine wegen

34

Want wie heeft des HEREN sin bekent. Oft wie heuet sijn raetgeuer geweest?

35

oft wie heeft hem te voren wat gegeuen dat hem weder werde gegeuen?

36

want wt hem, ende door hem, ende in hem sijn alle dingen. Hem si prijs inder eewicheyt Amen.