Den Bybel met groter neersticheyt ghecorrigeert (Liesveltbijbel 1542)

Die Apostel onderwijst die Romeynen, inden eersten, in die dingen die God aengaen. Daer na onderwijst hi hen inden dinghen welcke haren naesten aengaen ende haer seluen.

Dat .xij. Capittel.

1

⁺† IC vermane v lieue broeders, door dye ontfermherticheydt Goods, dat ghy v lichaem begeeft tot een ^a leuende offerhande die heylich ende God behaechlic is, welc is uwen redeliken Gods dienst,

+ A vers 1

a Leuende offerande is een mensce afghesneden vander werelt totten ghebruycke Gods ende sinen naesten. leui. vi.b

2

ende en stelt v niet gelijc dese werelt, mer laet v veranderen, door vernieuwinge uwer sinnen, op dat ghi proeuen muecht, welc daer si den goeden den welbehagende, ende volcomengods wille,

3

want ic segge door de gracie, die mi gegeuen is, eenen yegelijcken onder ons, dat nyemant onder v, meer van hem seluen en en houde, dan hem behoort te houden, mer dat hi van hem houde matelic, een yegelijc na dat hem God wtghedeylt heeft de mate des geloofs.

4

Want gelijckerwijs als wi in een lichaem veel leden hebben, mer alle leden niet een werc en hebben,

5

also zijn wi vele een lichaem in Christo, mer onder malcanderen is deen des anders lidt. *

6

⁺† Ende hebben menigerley gauen, na der gracie die ons gegeuen is,

+ C vers 6

7

Heeft yemant Prophecie, so si hi den gelooue gelijc of gematich, heeft yemant eenen dienst so slae hi sijns diensts gaey, leert yemant, so neme hy waer der leeringe,

8

vermaent yemant, so slae hi der vermaningen gade, geeft yemant, so geue hi simpelic regeert yemant, so si hi sorchuuldich, oeffent yemant ontfermherticheyt, so doe hi dat met luste.

9

Die liefde si ongeuerwet,

10

haet dat quaet, hanget den goeden aen, sijt met broederlike liefte onder malcanderen vriendelick, deen voorcome den anderen met eerbiedinge,

11

en sijt niet traech in v voornemen, sijt vierich inden geest, scict v na den tijt

12

sijt vrolick in die hope, pacientich in tribulatie, ⁺ gestadich int gebet

+ D vers 12

13

neemt v der heyligen nootdruft aen, staet daer na dat ghy geerne herberget,

14

gebenedijt die v veruolgen, ghebenedijt ende en vermaledijt niet,

15

verblijt v metten blijden, ende weent metten weenenden,

16

hebt eenderley sin ende moet onder malcanderen, ende acht niet wat hooch is, Mer maect v den nederen gelijc. † En hout v seluen niet voor wijs

17

en loont nyemant quaet voor quaet, sijt vlitich in eerbaerheyt tegen een yegelic,

18

ist mogelic, also vele als in v is, so hebt met allen menschen vrede.

19

En wreket v seluen niet, mijn alderliefste, mer geuet lieuer plaetse den toren, want daer staet gescreuen, die wrake is mijne, ⁺ ic salt loonen spreect die HERE.

Ist dat uwen vyant hongert, so spijst hem, dorst hem so geeft hem te drincken,

+ E vers 19

20

wanneer ghi dat doet, so sult ghi vierige colen op sijn hooft vergaderen,

21

en laet v vant quade niet verwinnen, mer verwint dat quaet met den goede.