Den Bybel met groter neersticheyt ghecorrigeert (Liesveltbijbel 1542)

¶ Vanden vromen coninc Iosias ende sine eerlijcke wercken. Hoe dat die stadt van Ierusalem ende alle dat volck te niet brocht sijn door die scalcheyt vanden anderen godlosen coningen. Van Ieremia Ezechiel ende den nauolghenden propheten. Van zerubabel ende Iesu Iosedechs sone, van Nehemia, Enoch Ioseph, Sem, Seth, ende Adam.

Dat .xlix. Capittel

1

⁺IOsias ghedachtenisse is gelijc als een werc der apotekers, ⁺ die veel costelijcker ende welrieckender dingen tsamen menget.

+ A vers 1

+ iiij.rgis. xxij

2

Sijn gedachtenisse sal in allen monden werden versoet als huenich, ende als soeten sanc in die weerscappen des wijns,

3

Hi was gestiert van god ter boeten des volcx, ende hi dede wech die vereysingen der godloser.

4

Ende hi stierde sijn hert totten HERE, ende inden dagen der sonden, stercte hi die goddiensticheyt.

5

Alle coningen, behaluen Dauid Ezechiam ende Iosiam, hebben sonde gedaen,

6

want die coningen Iuda

[p. *]

hebbende des alderhoochsten wet verlaten, ende si hebben Gods vreese versmaet,

7

Want si hebben haer rijck den anderen gegeuen, ende haer glorie vreemden geborenen volcke,

8

si aenstaken die wtuercoren stadt der heylicheyt ende si maecten sijn wegen woest in Ieremias handen,

9

want si handelden hem qualic, die van smoeders buyck een propheet geheylicht wert, om te keeren, wt te trecken ende te verdoen, ende weder te tymmeren ende te vernyeuwen.

10

Ezechiel die dat aenscouwen der glorien sach, welcke hi hem toonde inden wagen Cherubim.

11

⁺Want hi ghedachte der vianden inden regen, den ghenen wel te doen die rechte wegen toonden.

+ B vers 11

12

Ende der twaelf propheten beenen groeyden van haerder plaetsen, Want si stercten Iacob, ende si verlosten hem in dat geloue haerder cracht.

13

Hoe sullen wi Zorobabel grotelic genoech geprijsen, ⁺ want hi is ooc als een teeken ende seghel in die rechte hant Israels.

+ i.es. iij.d iij.es. vij

14

⁺Ende Iesum den sone Iosedech, die in haren daden het huys stichten, ende verhoochden den tempel die den HERE heylich was, bereyt ter eewiger glorien.

+ C vers 14

15

Ende Nehemias is in de gedachtenisse veels tijts die ons oprechte die omgheworpen mueren, ende dede die poorten ende die sloten staen, die onse huysen oprechte.

16

Niemant en is gheboren opter aerden, ghelijc als Enoch, want hi is ooc opghenomen vander aerden.

17

Ende Ioseph die een mensche gheboren is, ⁺

+ Heb. xi.

18

een prince der broederen, een vasticheit des volcx, een regeerder der broederen, een vastmakinge des volcx, ende zijn beenen sijn besocht, ende si propheteerden nae die doodt

19

Seth ende Sem hebben glorie biden menschen vercregen ende bouen alle dieren Adam in sinen oorspronck. ⁺

+ gen. i. ij. ix