Den Bybel met groter neersticheyt ghecorrigeert (Liesveltbijbel 1542)

Vanden goeden staet ende soberheyt der gerechter, hoe wel dat si hier benaut ende bedroeft worden. Ende daer tegen wat ongeluc die Godloosen ende haer kindtren hebben sullen.

Dat .iij. Capittel

1

⁺DEr gherechtiger sielen sijn inden handen Gods, ende de pijne der doot en salse niet aenroeren. ⁺

+ A vers 1

+ Phi. xxi Sa. v.c. He. xi.f

2

Si schenen inden oogen der onwijsen te steruen,

3

ende haren wtganc wert verderffenisse gheacht, Der gherechtiger wech, wert voor een verderffenisse gheacht, maer si sijn in sekerder rusten ende vreden.

4

Ende al ist dat si voor die menschen pijnlicheden gheleden hebben, haren hope is vol onsterflicheyts.

5

In luttel sijn si gequelt, in velen sullen si geloont werden, want God heefse geproeft, ende heeftse hem weerdich geuonden,

6

hi proefdese als gout int forneys, ⁺ ende hi ontfincse als een offerande des brantoffers, ⁺ ende inder tijt sal haer aenscouwen sijn.

+ i.pe. i.c. ro. viij d ij.co. v.f

+ B vers 6

7

Die rechtuerdige sullen blincken, ⁺ ende als voncken in dat riet loopen, Si sullen die natien ordelen, si sullen die volcken verheeren, ende haer HERE sal inder eewicheit regneren, ⁺

+ i.cor. xv i.cor. vi. exo. xvi.d

+ deu. viij a

8

die in hem betrouwen, die sullen die waerheyt verstaen, ende die gheloouighe inder liefden, sullen hem te wille sijn, ⁺

+ Iaco. i.f i.Pe. i.a ma. xxv

9

want sine wtuercorenen sullen gauen ende vrede hebben.

10

Maer die godloose sullen berispt werden, na dat si bedacht hebben, dye den rechtuerdigen veracht hebben, ende sijn vanden HERE gegaen.

11

⁺Want w ye wijsheyt ende onderwijsinge van hem werpt, die is onsalich, ende haren hope is ydel, ende haer arbeyden sonder vruchten, ende haer wercken sijn onnutte.

+ C vers 11

12

Haer wijuen sijn ontsinnich, ⁺ ende haer kinderen sijn die alder godlooste. Haer creature is veruloect.

+ lu. xxiij d Ga. iiij d

13

Want salich is die onuruchtbare, ende die onbesmette die hem niet vermengt en heeft met den sondigen. Si sal hebben vrucht inden aenschouwen der heyliger sielen,

14

wel den gevuerden die geen ongerechticheyt door zijn handen en heuet gewracht, noch die geen scalheyt teghen God en heeft gedacht, want dien sal die wtuercoren gaue des geloofs gegeuen werden, ende een bequame deel inden tempel gods,

15

want de vruchte der goeder arbeyden is glorioos, ende die wortel der wijsheit die niet en verwelct

16

⁺Mer die kinderen der ouerspeelders sullen in verderffenisse sijn, ende dat saet sal vanden ongerechten bedde verderft worden.

+ D vers 16

17

Ende al ist dat si van langen leuen sullen wesen, si sullen te niet werden gerekent, ende haer leste outheyt sal sonder eere sijn.

18

Ende ist dat si haestelic steruen, so en sullen si gheenen hope hebben, noch toesprekinge inden dagen der kennissen.

19

Want die doot ende dat eynde der ongerechtiger, is heel grouwelijc.