Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–¶ Hoe Iotham regneerde, wat hi ghetymmert, ende hoe hy gheoorloocht heeft. | |
1Ga naar margenoot+IOtham was vijuentwintich iaer oudt doen hi coninck werdt, ende regneerde .xvi iaer te Ierusalem, sine moeder hiet Ierusa, een dochter Zodok, | |
2ende dede dat den HERE wel behaechde, gelijc Vsia sijn vader gedaen hadde, sonder dat hi niet inden tempel des HEREN en ginc, ende dat het volc hem noch ontginc, | |
3hi timmerde die hooge poorte aen dat huys des HEREN, ende aender mueren Ophel, tymmerde hy vele | |
4Ende timmerde die steden op dat gheberchte Iuda, ende inden wouden tymmerde hi sloten ende thorens. | |
5Ga naar margenoot+Ende hi street teghen den coninc der kinderen Ammon, ende hi wert haerder machtich, also dat hem dye kinderen Ammon op dat selue iaer gauen, hondert ponden siluers, thien duysent Cor tarwen, ende thien duysent ghersten, Also veel gauen hem die kinderen Ammon, ooc inden anderen ende inden derden iaer, | |
6Also wert Iotham machtich, Ga naar margenoot+ want hi rechte oft stierde sine weghen voor den HERE sinen God. | |
7Wat meer van Iotham te segghen is, ende alle | |
[pagina *]
| |
sine strijden, ende sine weghen, Siet, dat is ghescreuen inden boeck der coninghen Israel ende Iuda, | |
8Hy was xxv. iaer out, doen hi coninc wert, ende regneerde .xvi. iaer te Ierusalem. | |
9Ende Iotham ontsliep met sinen vaderen, ende si begroeuen hem in die stadt Dauid, ende sine sone Ahas wert coninck in zijn stede. |