Den Bybel met groter neersticheyt ghecorrigeert (Liesveltbijbel 1542)

[p. *]

¶ Vanden deelen Simeons, zabulons, Isaschars, Asers, Naphthalis, ende Dans

Dat .xix. Capittel.

1

⁺DAer na viel dat ander lot, des stams der kinderen Simeon, na haren geslachten,

+ A vers 1

2

ende haer erfdeel was onder dat erfdeel der kinderen Iuda, ende het wert hen tot eenen erfdeel BeerSeba, Seba, Molada,

3

Hazar, Sual, Bala, Azen,

4

Eltholad, Bethul, Harma

5

Sicklac, Betha, Marcabod, HazarSussa, BetLebaoth, Saruhem,

6

dat sijn derthien steden, ende haer dorpen,

7

Ain, Rimon, Ether, Azan, dat zijn vier steden ende haer dorpen.

8

Daer toe alle dorpen die rontomme dese steden liggen, tot Baalath, Beer Ramath tegent zuyden, Dat is dat erfdeel des stams der kinderen Simeon in haren geslachte,

9

Want der kinderen Simeon erfdeel, is onder dat snoer der kinderen Iuda, Om dat het erfdeel der kinderen Iuda, hen te groot was, daerom erfden die kinderen Simeon, onder haren erfdeele.

10

⁺Dat derde lot viel op die kinderen Sebulon, na haren geslachte, ende den pale haers erfdeels was tot Sarid toe,

+ B vers 10

11

ende gaet wt totten westen waert, tot Meraala, ende stootet aen Dabaseth, ende reyct aen die beke, dye voor Iekmeam vliet,

12

ende keert hem van Sarid, tegen der sonnen opganc, tot aen die palen CislothThabor, ende comt wt tot Dabrath, ende reyct opwaerts tot Iapia,

13

ende van daer gaet si tegent oosten, door Githa, Hepher, Itha, Kazin, ende coemt wt tot Rimon, Hamthoar, Hanea,

14

ende crommet hem omme van tnoorden tot Nathon, ende haren wtganc is inden dal Iephthah,

15

Kathath, Nahalal, Simron, Iedeala, ende BethLahem, dat zijn twelf steden ende haer dorpen,

16

dat is dat erfdeel der kinderen Sebulon in haren gheslachten, dat zijn haer steden ende dorpen.

17

Dat vierde lodt viel op dye kinderen Isaschar, na haren gheslachten,

18

ende haren pale was, Israhela, Chesulloth,

19

Sunem, Haphraim, Sion, Anaharath,

20

Raabith, Kiseon, Abez, Remeth, EndeGannem,

21

Enhada, BethPares,

22

ende strect aen Tabor, Sahazinma, BethSemes, ende sinen wtganc was aen die Iordane, sesthien steden ende haer dorpen.

23

Dat is dat erfdeel des stams der kinderen Isaschar in haren gheslachten, steden ende dorpen.

24

⁺Dat vijfste lot viel opten stam der kinderen Asser, na haren gheslachten,

+ D vers 24

25

ende haren pale was Helkath, Hali, Beten, Achsaph,

26

AlaMelech, Amead, Miseal, ende strect aen Carmel, aen die zee, ende aen Sihor Libnath,

27

ende keert hem tegent oosten tot Bethdagon, ende reyct aen Sebulon, ende aen dat dal IephtahEl, aen dat noorden BethEmek, Negiel, ende comt wt tot Cabul ter slincker hant

28

Ebron, Kehob, Hamon, Kana, tot aent groot Zidon,

29

ende keert hem tot Rama, totter vaster stadt Zor toe, ende keert hem tot Hossa, ende gaet wt aen die zee, nae dat snoer tot Achsib,

30

Vma, Aphek, Rehob, tweentwintich steden ende haer dorpen.

31

Dat is dat erfdeel des stams der kinderen Asser, in haren geslachten, steden ende dorpen.

32

Dat seste lot viel op die kinderen Naphthali in haren gheslachten,

33

ende hare palen waren van Heleph, Elon, Doir, Zaanim, Adami, NeKeb, IabneEl, tot Lakum toe, ende gaet wt aen die Iordane,

34

ende keert hem totten westen tot AssnothThabor, ende comt van daer wt, tot Hukok toe, ende strecket aen Sebulon tegent zuyden, ende aen Asser, teghent westen, ende aen Iuda, aen die Iordane tegent oosten,

35

ende heeft vaste steden, Zidem, Zer, Hamath

36

Rakath, Chinnareth, Ada-ma, Rama, Hazor,

37

Kedes, Edrei, EnHazor,

38

Iereon MigdalElharen, BethAnath, BethSames, negenthien steden ende hare dorpen,

39

dat is dat erfdeel des stams der kinderen Naphthali in haren gheslachten, steden ende dorpen.

40

Dat seuenste lot viel opten stam der kinderen Dan, na haren gheslachten,

41

ende die palen haers erfdeels waren

42

Zarea, Esthaol, Irsames, SaalabinAialon, Iethla,

43

Elon, Thimnatha, Ekron,

44

Eltheke, Gibethon, Baalat,

45

Iehud, Berbarak, GathRimon,

46

MeIarkon, Rakon, metten palen neffens Iapho,

47

ende daer eyndt den pael der kinderen Dan, ende die kinderen Dan, trocken opwaerts, ende streden teghen Lesem, ende wonnent, ende sloegense metter scherpten des sweerts, ende namense in, ende woonden daer inne, ende noemdense Dan na haers vaders name.

48

Dat is dat erfdeel des stams der kinderen Dan, in haren geslachten, steden, ende dorpen.

49

Ende doen si dat lant altemael wt ghedeelt hadden, met sinen palen, so gauen die kinderen Israel Iosua den sone Nun, een erfdeel ouer hen,

50

ende gauen hem na den beuele des HEREN, die stadt die hi eyschte, te wetene ThimnathSerah opt geberchte Ephraim Doen tymmerde hi die stadt, ende woonde daer inne.

51

Dit zijn die erfdeelen, die Eleazar dye priester ende Iosua die sone Nun, ende die ouersten der vaders, onder den gheslachten, door tlot den kinderen Israhel wtdeelden, tot Silo voor den HERE, voor dye duere der tenten des ghetuyghenis, ende voleynden alsoo dat wtdeelen des lants.