Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–¶ Van die wtdeylinghe der vrijsteden. | |
2Segt den kinderen Israel, Geeft onder v vrye steden, Daer af ick v door Mose geseyt hebbe, | |
3daer toe een dootslagher vluchten mach, die een siele onuerhuets ende onwetende slaet, dat si onder v vry sijn voor den bloetwreker | |
4Ende die daer vlucht tot een van die steden, sal staen buyten voor der stadt poorten, ende voor den ouders der stadt, sine sake te kennen geuen, so sullen si hem tot hen in die stadt nemen, ende hem ruymte gheuen, dat hi bi hen woone. | |
5Ga naar margenoot+Ende als die bloetwreker hem na iaecht, so en sullen si den dootslager niet in sinen handen ouer gheuen, want hi onuersiens sinen naesten gheslagen heeft, ende en is hem te voren geen viant gheweest, | |
6so sal hy in die stadt woonen, tot dat hi stae voor der ghemeynten, voor tgheberchte, tot dat die hooge priester sterue, die totter seluer tijt sijn sal. Als dan sal die dootslagher weder keeren, in sijn stadt gaen, ende in sijn huys totter stadt, daer hi af gheulucht is. | |
7Doen heylichden si Kedes in Galilea, op dat geberchte Naphthali, ende Sichem, Ga naar margenoot+ op dat gheberchte Ephraim, ende KiriathArba, dat is Hebron, op dat geberchte Iuda. | |
8Ende op geen side der Iordanen daer Iericho leget tegent oosten, ghauen si Beser inder woestijnen, op dat effene, wt den stam Ruben ende Ramoth in Gilead, wt den stamme Gad, ende Golom in Basan, wt den stam Manasse. | |
9Dat waren die steden, gheoordineert alleen den kinderen Israel, ende den vreemdelinghen dye onder hen woonden, op dat daerwaerts vluchten soude, so wie een siele onuerhoets slaet, dat hy niet en sterue door den bloetwreker, tot dat hi voor die ghemeynte ghestaen heeft. |