Den Bybel met groter neersticheyt ghecorrigeert (Liesveltbijbel 1542)
(2010)–Anoniem Liesveltbijbel–Hoe dat God Abrahame beual wt sijn landt te reysen, ende hem een belofte gaf, ende als Abraham in Egypten quam, werdt hem sijn huysurouwe ghenomen ende wederomme ghegeuen, door Gods beuel | |
1Ga naar margenoot+ENde die HEERE sprack tot Abram. Gaet wt ws vaders lant, ende van v maechschappen, ende wt ws vaders huys, in een landt dat ic v thoonen sal, | |
2ende ic sal v tot eenen grooten volcke maken Ga naar margenoot+ Ende ick sal v Ga naar margenoota gebenedien, ende ic sal uwen naem groot maken, Ende ghi sult een gebenedidinge sijn, | |
3Ic salse gebenedien die v gebenedien, ende veruloecken die v veruloecken, ende in v sullen gebenedijt worden alle geslachten der aerden. | |
4Doen ghinc Abram wt, alsoot hem die HERE beuolen hadde, ende Lot tooch met hem. Abram was .lxxv. iaer out, doen hi wt Haran tooch. | |
5Ga naar margenoot+Also nam Abram zijn wijf Zarai, ende Lot sijns broeders soon met alle haerder hauen die si ghewonnen hadden, ende sielen die si geuoet hadden, in Haran, ende reysden wt na dat lant Canaan. | |
6Ende als si in dat selue lant comen waren, doorleet hi door dat lant totter stadt van Sichim, ende totten dale More, Want te dien tijt woonden daer Cananiten int lant | |
7Doen openbaerde die HERE Abram, ende sprac uwen sade sal ic dit lant geuen, Ga naar margenoot+ Ende hi stichte aldaer den HERE eenen outaer, die hem openbaerde. | |
8Daer nae ginc hi van daer aen eenen berge, die lach tegen den oosten der stadt BethEl, ende sloech aldaer sijn tenten, op dat hi BethEl ten westen ende Ai ten Oosten hadde, ende maecte den HEERE aldaer eenen outaer, ende aenriep den name des HEREN. | |
9Daer na trock Abram voordere, ende tooch zuytwaert, | |
10Ende in dat lant quam eenen dieren tijt. Doen trock Abram af in Egypten, dat hy hem daer onthouden mochte als een vreemt man, want den dieren tijt was seer machtich inden lande. | |
11Ende doen hi na bi Egipten quam, seyde hi tot sinen wijue Sarai, Ga naar margenoot+ Siet, ic weet dat ghi een schoon wijf van aesicht sijt, | |
12als v nv die van Egipten sullen sien, so sullen si segghen Siet, dat is sijn wijf, ende sullen mi dooden, ende v behouden, | |
13Daerom bidde ic v, segt doch dat ghi mijn suster sijt, om dat mi dies te badt si, om uwen wille, ende mijn siele leuendich blijue om uwen wille | |
14Als hi nv in Egipten quam, sagen die Egiptenaren dat wijf, dat si seer schoon was, | |
15ende Pharaos opperste sagense, ende prijsdende voor hem. Ga naar margenoot+ Doen wert si in Pharaos huys gebracht, | |
16Ende het ghinc Abram wel om haren wille Ende hi had schapen, runderen, ezelen knechten, maechden, ezelinnen, ende kemelen | |
17Mer die HERE plaechde Pharao met groote plagen, ende sijn huys, om Sarai Abrams wijfs wille. | |
18Doen riep Pharoo Abram tot hem, ende seyde, Waerom hebdi mi dat gedaen? waerom en seydi mi niet dattet v wijf was? | |
19waerom seydi dan dattet v suster was? daerom dat icse mi tot eenen wijue nam, Ende nv siet, daer is v wijf, neemt v wijf, ende gaet wech. | |
20Ende Pharao geboot sijnder macht van Abram, dat si hem leyden souden hem ende sijn wijf, ende alle dat hi hadde |
|