Den Bybel met groter neersticheyt ghecorrigeert (Liesveltbijbel 1542)

Vanden thoren van Babilonien, sijn timmeragie, ende destructie.

Dat .xi. Capittel.

1

⁺MAer alle die werelt had eenderley tale ende sprake.

+ A vers 1

2

Doen si nv reysden ten Oosten waert, vonden si een pleyn int lant Sinear, ende woonden aldaer, ⁺

+ dit was ij.M ccccc. ende vi. iaren voor cristus gheboorte. Die werelt hadt gestaen twee dusent .ccc. ende .xiij. iaer

3

ende spraken met malcanderen, Wel op laet ons kareelen maken ende backen. Ende si namen kareelen tot steenen, ende lijm tot mortele, ende seyden,

4

Laet ons een stadt ende thoren maken, wiens opperste aenden hemel reycken, dat wi ons eenen naem maken, want wi sullen misschien verdreuen worden in allen landen

5

Doen quam die HERE ^a neder dat hi sage die stede

a neder God. hiet neder comen in die scrifture, als hi yet doet opter aerden dat vreemt is ende ongewoon psal xvij b. psal xiiij

[p. *]

ende thoren, die der menschen kinderen stichten,

6

Ende die HERE sprac. Siet het is eenderley volc, ende sprake onder hen allen, ende hebben dat bogonst te doen, ⁺ si en sullen niet aflaten van alle dat si voor genomen hebben te doen.

+ B vers 6

7

Wel op, Laet ons ^a neder dalen, ende haer sprake aldaer verwerren, dat die een des anderen sprake niet en verstae.

[afbeelding]

a neder God. hiet neder comen in die scrifture, als hi yet doet opter aerden dat vreemt is ende ongewoon psal xvij b. psal xiiij

8

⁺Also verstroydese die HERE van daer in allen landen, dat si ophielden die stadt te tymmeren,

+ C vers 8

9

daer af heet haren naem Babel, om dat die HERE aldaer veruerret heeft alder landen sprake, ende heeftse van daer in allen landen verstroyt

10

Dit sijn Sem gheslachten, Sem was hondert iaer oudt, ende wan Arphachsad, twee iaer nader diluuien,

11

ende leefde daer nae vijfhondert iaer, ende wan sonen ende dochteren

12

Arphachsad was .xxxv. iaer out, ende wan Salah

13

ende leefde daer na .cccc. ende drie iaer, ende wan sonen ende dochteren

14

Salah was dertich iaer oudt, ende wan Eber,

15

ende leefde daer na .cccc. ende drie iaer, ende wan sonen ende dochteren.

16

Eber was vierendertich iaer oudt, ende wan Peleg,

17

ende leefde daer na .ccc. ende dertich iaer, ⁺ ende wan sonen ende dochteren

+ mat. ij.c

18

Peleg was dertich iaer out, ende wan Regu,

19

ende leefde daer na twee hondert ende negen iaer, ende wan sonen ende dochteren

20

Regu was tweendertich iaer oudt, ende wan Serug,

21

ende leefde daer na twee hondert ende seuen iaer. ende wan sonen ende dochteren

22

Seruh was dertich iaer oudt, ende wan Nahor,

23

ende leefde daer na .cc. iaer, ende wan sonen ende dochteren

24

Nobor was neghenentwintich iaer oudt, ende wan Tharah,

25

ende leefde daer na hondert ende neghenthien iaren, ende wan sonen ende dochteren.

26

Tharah was tseuentich iaer out, ⁺ ende wan Abram Nahor ende Haram

+ Abrahm wert geboren voor cristus gheboorte .ij.M. iaren als de werelt ghestaen had .iij.m.c. ende achtentachtentich iaren Ninus deerste coninck van Assyrien was dye eerste dye buyten sinen landen tooch ende ander nacien bestreedt, hi brachte gheheel Asien onder hem

27

Dit sijn die gheboorten Tharah, Tharah wan Abraham, Nahor ende Haran, Maer Haran wan Lot

28

Haram sterf voor sinen vader Tharah, in sijns vaders lant te Vr in Caldeen,

29

Ende Abram ende Nahor namen wijuen, Abrams wijf hiet Sarai, ende Nahors wijf Milca Harams dochter, welcke Haram die vader was van Milca ende Isca,

30

Maer Sarai was onuruchtbaer, ende en hadde geen kint

31

Doen nam Tharah sinen soon Abram ende Lot sijns soons Harans soone, ende Sarai sijns soons Abrams wijf, ende hi vuerdese van Vr, wt Chaldeen dat si in dat landt Canaan souden gaen, ende si quamen te Haran, ende si woonden aldaer

32

Ende Tharah wert twee hondert ende vijf iaer out, ende sterf in Haran