Leysen-boeck der catholycken daerinne vergadert zyn wt verscheyden boecken veelderhande leysenen himni ende geestelycke liedekens


Een out Leyse,
Op die wijse: Alst beghint. Het was een Maget wtvercoren Daer Iesus af wilde zijn geboren Des ben ick vro. O, o, o, o, benedicamus. Al tot der stadt van Nazareth, Daer is een Maget onbesmet Des ben ick vro. O, o, o, o, benedicamus. Groetse my met den name mijn Segt dat ick haer kint wil zijn, Des ben ick vro. O, o, o, o, benedicamus. Die Engel was een bode goet, Hy voer derwaerts metter spoet Des ben ick vro. O, o, o, o, benedicamus. Hy seyde: Godt groet u suyver Maecht, Ghy zijt die Gode seer wel behaecht, Des ben ick vro. O, o, o, o, benedicamus. Hy wil van v geboren zijn, Iesus de lieve Meester mijn Des ben ick vro. O, o, o, o, benedicamus. Maria sprack: hoe mocht ick hem gewinnen Want ic noyt man en geerden om minnen, Des ben ick vro. O, o, o, o, benedicamus. De H. Geest sal in u comen So den dauw valt op der bloemen, Des ben ick vro. O, o, o, o, benedicamus.
[pagina 79]
Maria weest onversaecht, Als den sone Gods die ghy draecht, Des ben ick vro. O, o, o, o, benedicamus. Hy heeft u daer toe vercoren Hy wil verlossen dat was verloren, Des ben ick vro. O, o, o, o, benedicamus. Van alle sorgen ben ick ontslegen, Die deerne Gods wil ick wesen, Ses ben ick vro. O, o, o, o, benedicamus. Maria viel neder op haer knien, Den wille Gods moet geschien, Des ben ick vro. O, o, o, o, benedicamus.