Leysen-boeck der catholycken daerinne vergadert zyn wt verscheyden boecken veelderhande leysenen himni ende geestelycke liedekens



[Folio *8r]
Noch een Himnis ten complete Christe qui hux est et dies
En gaet op die selfde wijsen. Christe die lichten dach perfeckt Syt, en s’nachts duysterheyt ondeckt Ghy wort gelooft des lichts claerheyt Die ons een salich licht verbreyt Heylich heer wy bidden u In desen nacht beschermt ons nu Laet ons in u toch Rusten sacht Verleent ons een gerusten nacht Op dat t’hert niet te swaer en slaept Of den vyant ons niet betraept Noch tvley hem geen consent en geeft Dattet voor u niet schuldich leeft Ons oogen laet doch slapen vry T’hart laet altijt waken tot dy V Rechter handt bescherme heer V dienaers die u minnen seer Beschermer heer aensiet ons doch Den vyandt wilt bedwingen noch Regiert u dienaers heere goedt Die ghy gecost hebt met u bloet Sijt ons gedachtich al gelijck In dit, swaer, lichaem arm en rijck Die der sielen beschermer sijt Heere staedt ons by in desen strijdt Eer sy den vader inden throon En Iesu Christ sijn lieven soon Versamelt met den heylige geest Eenvuldich en eewich soomen leest, Amen