Leysen-boeck der catholycken daerinne vergadert zyn wt verscheyden boecken veelderhande leysenen himni ende geestelycke liedekens



[Folio *8v]
Inder Lof-sanck inden Advendt.
Veni Redemptor gentium op duyts. Compt heylant der Heydens lofsaem Maeckt ons bekent des magere craem Dwelck wonder schijnt den werelt befaemt Maer Godt sulcken geboort betaemt Diet uyt t’onreyne Mannelijck saet Maer door des geests verholen raet Worden Gods woort vleysch wonderlijck t’Lichaems vrucht bloeyden suyverlijck Die suyver maghet worden swaer Noch bleef sy reyne maghet eerbaer Het Vaendel der deuchden triumpheert Godt inden Tempel converseert Hy compt van zijn slaepcamer net Wt des Conincx hof onbesmet Als een dubbelt Rues en cloeck man Die zijnen wech snel loopen can Sijn wtgang van den Vader was Sijn weergang was weer derwaerts ras Sijn wtloop tot den helschen throon Sijn weerloop tot den Hemel schoon O soon des Vaders schoon ghedaen Het cleet des vleysch wilt trecken aen Ons lichaems crancheyt sonder macht Versterckt gestadich door u cracht Hoe schoon blinckt nu u Cribbekijn Die nacht geeft oock een nieuwen schijn Twelck geen nacht verduysteren mach Maer doort gheloof licht als dach O Heer sy glorie t’alder tijt Die van een Maecht ghebooren zijt Met den Vader en heylighen Gheest Een trooster voor ons minst en meest. Amen.