'Biographieën van beroemde mannen uit den Deventer-kring'

[p. 1]

Biographieën van beroemde mannen uit den Deventer-kring.
(Vervolg en slot van dl. XXVIII, blz. 343.)
X. Jacob van Vianen.

Van here Iacob van Vianen.

Dese guede here Iacob, doe hij tot Here-Florenshuys quam, gaf hij hem tot soe groter strenicheit¹⁾ ende tot soe eersemer rijpheit, dattet wat bavenmate scheen te gaen. Stadelic plach hij sine sunden te bescreien. Op ene tijt clam hij opten salre om aldaer allen(e) te wesen, ende hij overdachte al sine gebreke ende screef sij in een tafel, omdat hij elck bijsunderlinge solde bescreien.

Dicwijle waert hij wederropen ende bestraffet van here Florens om sinre zwaerheit wille. Ende dat plach hij seer guetlike te nemen; ende mede toeslaende sechde hij, dat hij niet alte bescheiden en weer.

(fol. 222^r)⁺. Hij was soeseer beanxtet, dat hi sommyge

1) gestrengheid; ijver, wakkerheid. Verg. Lübben u. Walther, Mnd. Handwörterb.: strengicheit (strenicheit, strenkheit), Strenge; als Titel.

+ 222r.

[p. 2]

dinge, die een ander in hem laefde, bytterlike plach te bescreien, ende sechde: ‘Ghi pryst dit in my; mer ic en weet niet, hoe dattet God in my ordelen wil.’ Op ene tijt quam een jonge tot hem om wat guets van hem te hoeren, daer hij hem seer oetmoedelic in bewees, ende hij seechde hem vele gueder punten van sijnen medebruderen. Ende hij noemde hem sommyge bruders, die een deel tijts na hem totten dienste Godes gecomen weeren, ende sechde, dat sij hem veer bavengengen in duechden. Ende daerom soe riet hij den jonge, dat hij mit dien bruders sine callinge solde maken, want daer solde hij seer van verbetert mogen werden. Dese selve jonge quam op een ander tijt (fol. 222^v)⁺ tot desen gueden man om sine bangicheit¹⁾ hem te apenbaeren, want hij was op die tijt in groten druck sijns herten. Ende als die guede man dat hoerde, soe was hij hem seer vrendelic ende troestelic. Ende onder ander woerde sechde hij hem dat woert des propheten: ‘Na mennichvoldicheit der bedruckenisse soe hebben, Here, dine troestinge mijne ziele verblijt’²⁾. Ende die jonge genck walgetroest van dan.

Om sijnre eersemmiger stichtiger wanderinge wil soe waert hij geordiniert priester te werden. Doe dese guede bruder dat vernam, screide hij te male seer vele trane, ende hij rekende hem selven daer veel te onweert toe. Ende van rechter oetmoedicheit sechde hij, dat hij anxt hadde, dat die (fol. 223^r)⁺ gene

+ 222^v.

1) benauwdheid; het straks volg. ‘bedruckenisse’ (Vulg. dolorum) = verdrukking, nood. Verg. Kist en Moll, Kerkhist. archief, dl. II, Amst. 1859, blz. 210 (in de ‘Schriften’ van Gerlach Peters): in alle iuwen inwendighen ende uutwendighen bedruckenissen ende bangicheiden.

2) Ps. XCIII (XCIV): 19.

+ 223^r.

[p. 3]

zwaerlike gesundicht hadde, die den raet gegeven had, dat men hem priester solde maken. Ende aldus in sinen oetmoedigen voelen blivende, doe hij iiij of v werf mysse had gedaen, sterf hij zalichlic in den Heren, int jaer ons Heren m cccc, des dages na sante⁺ Gregorius dach¹⁾. Ende hij waert begraven in den grave sinre bruders op sante Lebuïnus²⁾ kerchoef.

+ 1400.

1) St. Gregoriusdag valt op 25 Augustus. - Zie over Bisschop Gregorius: I.C. de Meyere, Gregorius van Utrecht (in den Kalender voor de Protestanten in Nederland, jaarg. 1857, blz, 55-69) en P. Albers, De H. Gregorius, 3^de Bisschop van Utrecht (in den Volks-Almanak voor Nederlandsche Katholieken van 1893, blz. 3 volg.). Misschien is echter de H. Paus Gregorius de Groote (12 Maart) bedoeld.

2) Met robrik onderstreept.