In auspicatissimas nuptias doctissimi & clarissimi viri D. Johannis Leusden [...] et [...] Elisabethæ Nyepoort

Initas ac publicis votis & ceremoniis inauguratas 7. maij 1661

In Eosdem Emblema.
Nec melius teneris junguntur vitibus ulmi.

MUltiplici serpens, generosa umbragine, gyro

Se teneram vitis pondere slectit humi:

Ast, ubi claviculis ulmum complexa maritu,

Nisa ligat trunco brachia sida suo.

Tutior: Arboreo dúx ulmus presidet horto,

Frondeque lanigeras ulmus opimat oves.

Juncta petit celsi frondosa cacumina (venti

Murmure nubiferi non terebranda) viri.

Usque suum manibus scandendo procacibus aequans

[fol. A3v]

 

Vina gravis succo turgidiore ferat;

 

Nec teneras complexa semel divellier ulli,

 

Dona trahit sibi dum pinguia, passa manus.

 

 

 

Sponsa ita, post Majas ridenti flore Calendas,

 

Annuit alterius fronde beata tegi.

 

Ac dextrâ-sidum capit Elisabetha Johannem,

 

Pectora perpetuo casta vovetque toro.

 

Junguntur mutuis torquentia corcula telis,

 

Fitque, duplex pridem que fuit, una caro.

 

Sponsus Magnisici moderatur sceptra Lycaei,

 

Promit & Hebraei jura verenda fori:

 

Quo Duce pacisicas licitum contingere vittas,

 

Tuta sub ejusdem tegmine sponsa latet.

 

Sic mutuum sit tegmen amor; cum conjuge conjunx,

 

De palmâ, posito pignore conjugium.

 

Usque Deus, fausti benedicto sydere lecti,

 

Consolidet vivo pignore certet amor.

 

Vincula nîl rumpat; nisi mors, quam porta sequatur,

 

Que nova praeruptis nobiliora liget.

 

 

 

Petrus à Balen.