In auspicatissimas nuptias doctissimi & clarissimi viri D. Johannis Leusden [...] et [...] Elisabethæ Nyepoort

Initas ac publicis votis & ceremoniis inauguratas 7. maij 1661

[fol. A2r]

In Auspicatissimas Nuptias Doctissimi & Clarißimi Viri, D. Johannis Leusden L. A. M. Linguae Sanctae Professoris & Academiae Ultrajectine p. t. Magnisici Rectoris. Sponsi,Et Venustissimae Pudicissimae ac Modestissime. Virginis. Elisabethae Nyepoort, Sponsae.

QUi celebres tractus Belgarum, Theutonis oras,
Gallorumque plagas & regna Britannica vidit;
Inter amabilium nympharum millia multa,
Quam sibi conjugii sacrato foedere jungat,
Leusdenus nullam peregrino in climate vidit.
Sed, quae tam varias praestanti corpore nymphas,
Nobile Trajectum, gremio complectitur almo,
Hanc dedit urbs patria; & tenuit jam tempore longo,
Attamen ignotam, donec monstravit Jova,

[fol. A2v]

 

Juris consulto prognatam patre puellam,

 

Moribus & forma & praestantem dote puellam,

 

Ingenio facilem, castae genitricis alumnam:

 

Delicias castas oculorum, cordis honestas

 

Delicias SponsI: recreat quem lumine Sponsa

 

Pulchra suo; recreatque suam qui lumine sponsam.

 

Vivant felices concordi federe longum!

 

Detque suam thalamus consueto tempore prolem

 

Foecundus, patri similem matrique venustae!

 

Quam Domino sacram faciant, puerilibus annis.

 

Cicumcidendo teneri praeputia cordis!

 

Et serus vitae saturos ad sydera vesper.

 

Traducat sponsos, optatâ prole relictâ;

 

Urbem quae patriam decoret caetumque piorum,

 

Et pacem videat Solymorum tempore longo.

 

 

 

Aliud ad Sponsum.

 

 

 

UXor pulchra decet Sapientem, pulchra domusque,

 

Commodus & lectus; Doctor Hebraeus ait.

 

Hisce tribus Sapiens studuisti tempore cuncto.

 

Post duo, jam conjux & tibi pulchra datur.

 

Ornatura magis lectumque domumque venustam:

 

Formosam prolem moxque datura tibi.

 

 

[fol. A3r]

 

Aliud.

 

Haec tria pulchra brevis prolongant tempora vitae.

 

Sponsa, domus, vestis: Doctor Hebraeus ait.

 

Haec tibi contingunt divino munere, Sponse;

 

Et post sceptra Scholae, Sponsa venusta datur?

 

Quidni victurum te longo tempore dicam,

 

Uxorem triplicis participemque boni?

 

 

 

Affectus testandi ergo L. P.

 

Matthias Nethenus

 

paranymphusè