LVIII. Van Torecs moder, ende hoe hi riddere werd.
Die aventure seget na desen,
23260[regelnummer]
Dattie coninginne meer wilde wesen,
In geselscap, sijt seker das,
Waer dat enege bliscap was.
Ende haer goet minderde daer naer,
Ende haer man starf int jaer.
Van ere dochter, sijt seker das;
Ende die deetsi in ene tonne beslaen,
Ende cledere ende gout, sonder waen,
Ende enen brief, daer in sal staen
23270[regelnummer]
Hoe al haer saken sijn vergaen,
Hoe si opten boem vonden was,
Ende hose die coninc troude nadas,
Ende hoe di cyrkel werd genomen,
Daer si in onsalecheiden bi es comen,
23275[regelnummer]
Ende dat hare Bruant vander Montangen
Heeft gedaen al dese calangen.
Dit was metter dochter gedaen
In een tonne, ende geworpen saen
In die zee, ende litense varen
23280[regelnummer]
Daerse God wilde bewaren.
Doe quam die tonne gevaren scire
Int lant vander Baser rivire,
Daer Ydor in coninc doe was.
Daer was si opgehaelt nadas,
23285[regelnummer]
Ende vorden coninc bracht daer saen,
Dise scire op dede slaen.
Daer vant men in een meissekijn,
Dat scoenste dat in die werelt mach sijn,
Ende gout ende selver ende cleder dire,
23290[regelnummer]
Ende enen brief, dien lasmen scire,
Daer in gescreven stont algader
Wat gesciet was moder ende vader,
Ende dat tkint niet kersten ware gedaen:
Dit dede die brief al verstaen.
23295[regelnummer]
Die coninc deet doen kersten daernaer,
Ende deet Tristoise heten vorwaer,
Om met rouwen was gedragen.
Hi deet doen voesteren in dien dagen.
Doen tkint tsinen dagen quam
23300[regelnummer]
Entie coninc so overscone vernam
Wildise nemen tenen wive.
Wat holpt dat icker vele af scrive?
Want alle die gene die hem bestaen
En haddens hem niet doen ave gaen.
23305[regelnummer]
Hi namsse te wive ende dreef feeste groet:
Die brullocht was sonder genoet
Gedreven viertien nacht al uut.
Ende Ydor wan an sine bruut
Een knapelijn, hebbic verstaen.
23310[regelnummer]
Ende ter selver tijt oec, sonder waen,
Doen die vrouwe daer af genas,
Ende si sach dat een kneplijn was,
Loech si sere daer ter steden;
Ende des hadde grote wonderlijcheden
23315[regelnummer]
Den genen dise lachgen sagen;
Want si noit in haren dagen
Ne loech dan nu ter stont.
Dit dedemen daer den coninc cont,
Dies blide was doe hijt heeft vernomen,
23320[regelnummer]
Ende seide: ‘Hier sal ons goet af comen;
Ende wet oec wel ende seker sijt,
Dat si vortmeer in al haren tijt
Maer twewerf noch lachgen sal.’
Men dede den kinde sine behoefte al
23325[regelnummer]
Ende droecht daer ten kerstenhede,
Ende es Torec geheten mede,
Want sijn oudervader hiet alsoe.
Men gaf hem ene voestere doe,
Die tkint wel achterwaren can.
23330[regelnummer]
Het wies sere ende werd vrome dan.
| |
Daerna dede hem Ydor leren
Alrehande spel met groten heren;
Daer hi sinen sin toe hinc,
23335[regelnummer]
Hine leret bat dan enech man;
Ende oec was hi di melste daer an
Diemen enegen wiste tien tiden;
Ende oec conde hi bat riden
Dan ieman diemen vinden conde;
23340[regelnummer]
Ende oec en was nieman ter stonde
Soe starc alse Torec, sijt seker das.
Ja, doe hi twintech jaer out was
Quam hi toten vader gegaen
Ende wilde riddere sijn gedaen,
Ende oec in sire eren mede
So maecti hondert ridders daer,
Die Torec alle gichte daer naer.
Doe si riddere waren gedaen
23350[regelnummer]
Stacmen tere quinteinen saen,
Daer Torec op heeft gesteken
Dat sijn spere moeste breken.
Doen staken di andere alle naer;
Ende alsi hadden gesteken daer
23355[regelnummer]
Doe reet Torec daerop weder
Ende reet die quinteine ter neder,
Die starc was ende groet.
Dies dreef die vader bliscap groet.
Daer was doe grote feeste gedaen
23360[regelnummer]
Van etene, van drinkene, sonder waen.
Ende doen dit al leden was
So nam Tristouse Torec na das
In haer camere in heimelijcheden,
Ende toende hem den brief ter steden
23365[regelnummer]
Die met hare daer was gesint.
Ende tirst dat hi die sake bekint
Ward hem dat herte swaer,
Ende seide: ‘Moder, wet over waer,
Dat ic dit noch sal wreken.’
23370[regelnummer]
Mettien ginc hi den vader spreken
Ende bat orlof hem daer naren:
Hi wilde om aventuren varen.
Die vader seide: ‘Dan mach niet sijn.’
- ‘Om die werelt te wesene mijn,
23375[regelnummer]
Here, sone blevic nu hier niet.
En hulpt niet wat gi mi biet;
Mine mochte nieman verbidden des.
Ende sijt oec seker ende gewes,
Ic sal den tcirkel noch gecrigen,
23380[regelnummer]
Oft ic salre om sijn in hondert wigen,
Die verloes mijn oudermoder.
Ic salre af noch wesen vroder
Eeric nembermer wederkere.’
Doen loech echt sijn moder sere,
23385[regelnummer]
Nochtan dat weende inden hove
Menech man van groten love.
Ende si weende daerna ter stat:
Doe so vrachdemen hare nadat,
Waeromme si nu weent ende tirst was vroe?
23390[regelnummer]
Tristoise sprac: ‘Het staet alsoe,
Mijn herte es vroe; maer alsic sie
Mijn kint wech varen jambert mie.
Hi sal met sire vromecheden
Mire moder wreken ende mi mede:
23395[regelnummer]
Dat sceden maect mi tongemake;
Ende ic lachge om die wrake.’
Nu latic hier van Ydor bliven
Ende sal van Torec vort scriven.
|
|
Auteursrechtvrij