L. Hoe Walewein vacht jegen Gorlemanne drie dage.
Nu seget hier die aventure:
Die jongelinc ter selver ure
Met Waleweine reet ene mile.
Doe bat hem Walewein tier wile
20790[regelnummer]
Dat hi weder thusward kere.
Hi seide: ‘Scone jongelinc, embermere
Waer dat gijs hebt te doene
So willic dat gi te mi sijt coene.
20795[regelnummer]
Ic souder comen, waer dat si.’
Mettien custine an sinen mont
Ende seide: ‘Vrient, nu vart gesont.’
Dus keerde Walewein vanden kinde
Ende [reet] en wech sonder gesinde
Sonder te vindene aventure.
Des virdes dages quam hi gereden
In een wout, daer hi beneden
Enen starken casteel sach.
20805[regelnummer]
Derwaerd reet hi al dat hi mach.
Doe quam hem een knape daer naer
Te gemote, die hem vrachde daer
Ware hi henen trecken wilde?
Doe antwerde hem Walewein die milde:
20810[regelnummer]
‘In genen casteel varic hier bi
Herbergen.’ - ‘Ay here, neen, vart met mi,
Ic sal u gode herberge doen.
Wisti wat men daer heeft geploen
Gi sout die borch scuwen mede.
20815[regelnummer]
Die here hevet daer enen sede
Daer hi hem sere mede onteert:
Wat ridderen die ter borch kert
Ende herbergen wilt daer binnen,
Hi moetse met stride daer winnen.
20820[regelnummer]
Es oec dat hi den wijch bestaet
Enten stride alsoe vergaet,
Ende min here sijns machtech werde,
Hi slaet hem thoeft af metten swerde;
Dus heeft hi menegen gedaen.’
20825[regelnummer]
- ‘Hoe heet hi? sech mi, knape, saen.’
| |
- ‘Here, hi hetet Guerleman.’
Walewein seide: ‘Ic vare daer dan,
Hoe overmodech dat hi oec si.’
Doe voer Walewein der porten bi
20830[regelnummer]
Ende wilde daerin gevaren sijn.
Die portenare sprac: ‘Beit en lettelkin!
Gine moget niet in, dat secgic u;
Gi moet eer vechten, wetet nu,
Jegen minen here, di scire sal comen.’
20835[regelnummer]
Mettien heeft hine daer vernomen,
Ende brachte een spere in di hant:
Ter porten quam hi ute gerant
Ende seide: ‘Riddere, wats u gere?
20840[regelnummer]
Wildi nu herbergen met mi
Dat gi daer omme jegen mi stridet,
Oft dat gi weder henen ridet?’
Walewein seide: ‘Ic wille eer striden:
20845[regelnummer]
In wille dus niet henen riden!’
Doe kerden si omme beide daer
Ende vergaderden saen daernaer,
Ende quamen so te gadere gerant,
Dattie speren braken toter hant.
20850[regelnummer]
Elc vinc tsinen swerde saen,
Ende gingen vrochtelijc slage slaen,
Ende vochten toter nacht mettien,
Datsi niet en conden gesien.
Doe sprac daer her Goerlemant:
20855[regelnummer]
‘Gi hebt gewonnen metter hant
Mine herberge met groten eren.
Wi moten vanden velde keren.
Ic sal u ontfaen harde wale.’
Doe vorense te gadere in di zale,
20860[regelnummer]
Daer si waren wel ontfaen.
Guerleman beval daer saen
Sire suster, ere joncfrouwen,
Dat si Waleweins plage met trouwen,
So dat hijs haer danke ende lone.
20865[regelnummer]
Die joncfrouwe was utermatene scone,
Hovesch ende cuesch utermaten:
Si sout node hebben gelaten
Om dat hare haer broder hiet.
Si nam Waleweine, ende liets niet,
20870[regelnummer]
Metter hant, ende gingen dwaen.
Ter taflen sitten sijn si gegaen,
Beide vrouwen ende heren.
Daer was gedient met groter eren;
Ende naden etene gincmen slapen,
20875[regelnummer]
Beide heren ende oec knapen.
Ende vanden hues die scone joncfrouwe
Hadde Waleweine gebet met trouwen.
Si diende hem ende liets niet,
Gelijc dat haer hare broder hiet.
20880[regelnummer]
Des anders margens harde saen
Quam si tote Waleweine gegaen
Ende seide: ‘Staet op, edel man,
Ende doet vaste uwe wapene an;
Gi moet ter plaetsen weder riden
20885[regelnummer]
Ende jegen minen broder striden.’
Her Walewein es opgestaen
Ende heeft hem gewapent saen,
Ende die joncfrouwe halp hem daer.
Hi namse in sinen arm daernaer
20890[regelnummer]
Ende cussese daer an haren mont,
Ende nam orlof ende voer ter stont
Ter plaetse daer hi vant gerect
Sinen werd, die sijns ontbeet.
Doe nam elc sijn spere in hant
20895[regelnummer]
Ende quamen te gadere daer gerant,
Dattie speren beide braken.
Haer swaerd si doe daerna traken,
Ende vochten daer met alse ridders cone
Vandes margens al toter none.
20900[regelnummer]
Doe sprac te Waleweine her Gorreman:
‘Her riddere,’ seit hi, ‘edel man,
Onse perde sijn vermoit sere,
Ende oec wi verhit, here:
Wildi, wi mochten ons resten gaen
20905[regelnummer]
Onder gene linde ende vercolen saen.’
Walewein seide: ‘Ic ga daer mede.’
Nu stont besiden der linden tere stede
Een borne, die herde bedect was;
Ende dire af dranc, sijt seker das,
20910[regelnummer]
Hi genas van alre moethede
Die hi hadde in al sine lede.
Ende die wile dat Walewein aldaer
Hem reste onstal hi hem daernaer
Ende es ten genen borne gegaen
20915[regelnummer]
Ende dranc, ende kerde weder saen
Vaste tote Waleweineward,
Ende seide: ‘Maect u op ter vard
Ende laet ons becorten desen strijt.’
Hi was wel blide nu ter tijt
20920[regelnummer]
Om dat hi genesen was, sonder waen;
Hi waende Waleweine wel verslaen,
Ende oec des camps seker sijn;
Maer hine kinde niet in scijn
Waleweine den stouten degen,
20925[regelnummer]
Die hem coenlijc ginc jegen,
Ende gout hem daer algader ter stede
Al dat hem die ander dede.
En sach nie man so groten strijt.
Dus vochten si, des seker sijt,
20930[regelnummer]
Tote in die nacht vorward an.
Doe sprac te Waleweine her Gurreman:
‘Hets tijt dat wi van hier nu keren.
Gi hebt op mi gewonnen met eren
Dat ic u herberge, riddere vri,
20935[regelnummer]
Want uwes gelijcs niet en si.
En was nie man so utegenomen,
Ware hi jegen mi te stride comen,
Die mi hadde mogen wederstaen
Alse lange als gi hebt gedaen.’
20940[regelnummer]
Op haer ors si daerna saten,
Ende volhde doe der rechter straten
Die ter borchwaerd doe ginc,
Daer mense harde wel ontfinc.
Ende Gorleman ech[t] beval
20945[regelnummer]
Sire suster, datsi boven al
Dit was hare wel bequame.
Men ginc eten ende daerna
Gincmen slapen, alsict versta;
20950[regelnummer]
Ende Gorleman beval Waleweine
Dat hi smargens quame ten pleine
Te besiene wie sal verwerven
Den zege of vorden anderen sterven.
Walewein haeste hem ten slapen gane,
20955[regelnummer]
Ende die scone wel gedane,
Gorlemans suster, hebbic verstaen,
Es met heren Waleweine gegaen,
Dien si sere minnen began;
Hi dochte hare een overscone man
20960[regelnummer]
Ende so hovesch ende godertire.
Si begonste hem te vragen scire
Hoe die strijt ware vergaen?
Ende hi vertelde haer herde saen
Hoe si vochten al toter none,
20965[regelnummer]
Ende dat doe haer broder die sone
Maecte, ‘dat wi ons resten souden
Onder ene linde ende vercouden.
Doe gingewi vechten saen daernaer:
Doe dochti mi alse vers, vorwaer,
- ‘Ay here,’ sprac si na das,
‘En es man in ertrtike binnen,
Die minen broder mach verwinnen;
20975[regelnummer]
Bi uwer trouwen, ic soude u
| |
Wisen hoe gine verwinnen sout,
Dat gine te live laten wout
Alsi van u verwonnen ware.’
- ‘Jaic,’ sprac Walewein daernare,
20980[regelnummer]
‘Al ne ware des niet, badies mi,
Siet hier min trouwe, joncfrouwe vri.’
Doe sprac si: ‘Here, nu wacht u dan
Dat hi der linden nine come an,
Ende hi niet en drinke daernaer
20985[regelnummer]
Van enen borne die staet aldaer,
Die hem doet scire genesen.
Hi sal scire verwonnen wesen.’
Walewein dancte hare sere na das.
Ende sander dages alst dach was
20990[regelnummer]
Reet Walewein ten pleine waerd thant,
Daer hi Gorleman houdende vant;
Ende alse saen alsi daer qnam
Ende quamen te gadere met selker crachte,
20995[regelnummer]
Dat te stucken braken die scachte.
Doe vingen si ten swerden daernaer,
Ende slogen grote slage daer
Dor helm, dor halsberch, dor scilde.
Mijn her Walewein, die riddere milde,
21000[regelnummer]
Wilde sinen waerd daer gelden
Sine herberge, dat hem selden
Daer te voren was gesciet.
Sine wilden daer versceden niet.
Si gingen houwen slach in slach
21005[regelnummer]
Rechte tote opten middach.
Doe begonste Gorleman tragen.
Doe began hi Waleweine vragen
Oft si hen vercolen wilden gaen,
Alsi des ander dages hadden gedaen,
21010[regelnummer]
Onder die linde? Walewein seide:
‘Hier nes reste no langer beide,
Wi moten corten desen strijt
Tot dat ic oft gi verwonnen sijt.’
Dus ginc hi op hem houwen daer,
21015[regelnummer]
Ende drevene hare ende gens daernaer
So lange, dat hine sloech ter neder.
Ende eer hi op conde comen weder
Gaf hem Walewein noch enen slach,
Ende trac hem den helm af,
21020[regelnummer]
Ende toech sijn swaerd ende seide saen:
‘Nu es u leven hier gedaen.’
Doe bat Gorleman saen genade.
Her Walewein seide: ‘Het es te spade.
21025[regelnummer]
En diet niet, dat secgic u.’
- ‘Ay edel here, hebt mins genade!
Ic wille u dinen vroech ende spade.’
Walewein sprac; ‘En mach niet wesen,
Gine wilt mi geloven van desen
21030[regelnummer]
Dat gi te Kardole sult varen
Ter coninginnen al sonder sparen,
Ende sult sijn gevangen van hare
Tote dat ic come tot dare;
Ende daer te blivene met al uwer cracht
21035[regelnummer]
Na sente Jansdach viertien nacht;
Ende oec moet lecgen af mede
Dese overdaet ende dien onsede
Dien gi lange hebt gehouden:
Die moet oec quite sijn gescouden.’
21040[regelnummer]
Gorleman seide: ‘Dat ware te groet.
Ic hadde liver sloechdi mi doet,
Dan ic mi geven soude gevaen,
Gine laet mi tirsten verstaen
21045[regelnummer]
- ‘Vrient, Walewein so heetmen mi,
Ende Artur die coninc mare
Es min oem al oppenbare.’
Gorleman sprac: ‘Des benic blide,
Dat ic vor u in desen stride
21050[regelnummer]
Behouden hebbe noch min leven.
Ic wille u gerne min trouwe geven
Dat ic te Kardoel gerne sal keren,
God heeft mi geonnen der eren
Dat ic u hebbe hier gesien,
21055[regelnummer]
So wat mi mach van u gescien
Daeromme en gevic niet een stroe.’
Nu was Gorleman harde vroe,
Ende vorde Waleweine te sire zale,
Daer si te gemake waren wale
21060[regelnummer]
Van etene ende van drinkene mede.
Naden etene gincmen gerede
Te bedde waerd, dat verstaet,
Tot smargens dattie dach opgaet.
Doe nam Walewein orlof saen
21065[regelnummer]
Ende es also en wech gegaen.
Nu latic hier van Gorleman bliven
Ende sal van Waleweine vord scriven.
|
|
Auteursrechtvrij