LI. Hoe Walewein twee gygante verwan.
Dat Walewein reet tier ure
21070[regelnummer]
In een herde woeste lant,
Dat hem was harde onbecant.
Daer waren di lande verwoest al,
Die huse tebroken groet ende smal,
Die velde al ongewonnen lagen.
21075[regelnummer]
Walewein en wiste wien vragen,
Want hi vant no man no wijf,
No creature die hadde lijf.
Alse Walewein dit al was leden
Quam hi in een bosch gereden
21080[regelnummer]
Aldaer ene borch in lach,
Die scoenste die hi nie gesach:
Die hadden daer gesticht twee resen,
Die meeste daer wi af hebben gelesen.
Si waren cone ende stout,
21085[regelnummer]
Ende hadden verwoest met gewout
Alt lant ende dat conincrike.
Si hadden verslegen gemeinlike
Al die liede vanden lande,
Entie stede verbernt met brande;
21090[regelnummer]
Ende die edele vrowen ende joncvrouwen,
Die scone waren int anscouwen,
Die vingen si ende hieldense daer,
Ende dadense werken, wet vor waer,
Pellen ende met siden mede,
21095[regelnummer]
Ende alretiren scoenhede;
Maer si hadden grote noet,
Want sine aten maer borne ende broet.
Doe Walewein dese borch sach
Reet hi derward al dat hi mach.
21100[regelnummer]
Ende alsi bider borch quam
Enen rese hi daer vernam,
Den meesten die hi nie sach an.
- ‘Es dit di duvel oft een man?’
Sprac Walewein. ‘God mote geven
21105[regelnummer]
Dattu dijn ongehiere leven
Met minen swerde moets verlisen
Ende vor min hant di doet kisen!’
Her Walewein doe lettel lette
Hine horte vorwaerd Gringalette,
21110[regelnummer]
Ende den rese daer na stac
In den buec (die spere brac
Recht te middewege ontwee).
Die viel neder min no mee
Optie eerde ter neder doet,
21115[regelnummer]
Rechte als een donder groet.
Dien val hordemen do so verre,
Dat sijn broder sonder merre
Udewaerd daer omme gelopen quam
Met ere tange. Als hi vernam
21120[regelnummer]
Dat sijn broder daer lach doet
| |
Was sijn rouwe harde groet.
Hi sprac: ‘Dit seldi becopen!’
Ende quam metter tangen gelopen
Na Waleweine, ende sloech so harde
21125[regelnummer]
Dat hem Gringalet vervarde.
Ende Walewein horte vort na dat
Ende quam den rese narre ter stat
Doe liet hi vallen die tange saen
21130[regelnummer]
Ende nam Waleweine ende sijn part
Op sinen hals met snelre vart
Ende seide: ‘Nu moetstu bliven doet;
Al warstu vifwerf alse groet,
Mijn broder werd gewroken nu.’
21135[regelnummer]
- ‘Ay vader, here, ic bidde u,’
Sprac Walewein, ‘bescermt mi nu mere
Dor u helege cruce, here,
Gelijc gi Davite daet vor desen
Jegen Godoliase den groten resen!’
Metten orsse ende metten man,
Vaste te sire borch waerd.
Ende Walewein nam cort sijn swaerd
Metter rechter hant, herde stide,
21145[regelnummer]
Ende stakene in die rechte side
Ene dipe wonde ende groet,
Daer dat bloct ut ran al roet.
Doe liet hi hem ontvallen daer
Man ende ors, wet vor waer,
21150[regelnummer]
Want di wonde deden selken pant,
Dat hi ter neder viel te hant.
Walewein tart hem bat nare
Ende nam den rese biden hare
Optie eerde al daer hi lach,
21155[regelnummer]
Ende gaf hem enen groten slach.
Doe boet die rese di hant aldaer
Ende wilde hem opgeven daernaer;
Ende sine borch ende oec sijn lant
Wildi hem mede geven te hant,
21160[regelnummer]
‘Ende daeraf werden oec u man,
Opdat gi sulc ridder sijt dan
Dat ict met ere nu mach doen.
Nu biddic u, edel baroen,
Dat gi mi uwen name segt nu.’
21165[regelnummer]
Walewein seide: ‘Dat berichtic u
Harde gerne, wildijt weten.
Her Walewein benic oec geheten,
Des conincs Arturs suster sone.’
- ‘Ay God!’ sprac doe die gone,
21170[regelnummer]
Des willic te rechte embermere
Dat mi verwonnen heeft een man,
Di beste di noit lijf gewan.’
Doe boet hi di hande na di dinc,
21175[regelnummer]
Ende her Walewein di manscap ontfinc.
Doe dede hem die rese cont:
‘Here, ic ben so sere gewont
Dat ics niet en mach ontgaen;
Maer woudi om minen wille gaen
21180[regelnummer]
Ende te mire borch nu riden,
Ende halet nu ten selven tiden
Ene salve, die ic u sal wisen,
Diemen niet en mach volprisen,
Die daer staet in een kamerkijn
Ende segt dat icse ontbide met u.
Ens geen man die levet nu,
21190[regelnummer]
Die so sere gequetst ware,
Maer mochti hebben alse groet van hare
Alse ene plume wegen soude,
Hine soude genesen alse houde
Alse hise dade ane die wonde.
21195[regelnummer]
Ende min broder ter selver stonde,
Canic den adem an hem vinden,
Ic daer mi des wel onderwinden,
Dat ickene genesen sal ter stat.
Live here, haest u dore dat.’
21200[regelnummer]
Dus es Walewein henen gereden
Met harde groter haestecheden.
Ende alsi quam ter porte dore,
Nu hord wat hire vant vore:
Twee leuwe lagen in dene side,
21205[regelnummer]
Ende twee luparde banderside:
Daer vore en mochte niet genesen.
Ende dattie porte soude wesen
Dat was een gat groet ende wide,
Ende was beset in elke side
21210[regelnummer]
Met scarpen swerden, di sere sneden,
Die en geen dinc vermeden.
Daer dreef een water vresselijc onder,
Daer af te secgene ware een wonder.
Her Walewein es ter slusen gegaen
21215[regelnummer]
Ende stac die planke in daer saen,
Ende dede dat water staen al stille,
Ende ginc doe in na sinen wille.
Ende alsi in die zale quam
Vant hi daer doe ende vernam
21220[regelnummer]
Menege scone edele joncfrouwe,
Die dreven harden groten rouwe,
Die daer waren alle gevaen,
Alsic u hier vore dede verstaen.
Ende Walewein vrachde hen wat hen ware?
21225[regelnummer]
Ende si seident hem al oppenbare,
Hoe si gevangen waren alle,
Ende winnen moesten met ongevalle
Dat si drinken souden ende eten.
Doe seide Walewein: ‘Ic doet u weten,
21230[regelnummer]
Ic sal u verloessen ut desen bande
Eer ic meer scede uten lande.’
Dies waren si allegader blide
Ende baden vor hem ten selven tide.
Doe maecte Walewein den drossate cont
21235[regelnummer]
Dat sijn here ware gewont,
Ende hi di salve ontbode aldare,
Die int gulden legel ware.
Hi gaf Waleweine di salve dire,
Ende Walewein keerde weder scire
21240[regelnummer]
Ende salvede den rese sine wonde,
Die genas ter selver stonde
Gelijc hi noit gewont ne ware.
Doe ginc hi tsinen broder daernare,
Die den adem hadde nochtoe,
21245[regelnummer]
Ende bestreken sine wonde alsoe,
Ende hi stont up daer al gesont.
Doe seide hem sijn broder ter stont
Hoe hi Waleweins man nu ware,
Ende hijt moeste werden oec aldare,
21250[regelnummer]
‘Want hi heeft ons beiden verwonnen.
En es oec man onder der sonnen
- ‘Broder,’ seit hi, ‘des sijt gewes,
Ic werde sijn man al sonder rouwe.’
21255[regelnummer]
Doe ontfinc Walewein sine trouwe,
Dat si doen souden gereet
Al dat hi wilde, eest lief, eest leet.
Dus sijn di resen daer genesen
Ende vorden Waleweine saen mettesen
21260[regelnummer]
Te harre borch, daer men wale
Sijns daer plách te desen male.
Her Walewein bat doe met trouwen
Datmen die vrowen entie joncfrouwen
Wel dade cleden ende vort comen,
21265[regelnummer]
Die si in gevanckenesse hebben genomen,
‘Ende laetse eten nu ten tiden
Met ons tavont ende hen verbliden.’
Dit was daer harde seire gedaen.
Si waren vercleet doe harde saen
21270[regelnummer]
Ende vor Waleweine daer vord bracht.
| |
Daer was menege scone ende wel geacht.
Drie hondert warre oec bi getale,
Conincs kindere ende graven wale.
Men leide di taflen ende ginc eten.
21275[regelnummer]
Walewein es onder hen geseten
Ende diende den joncfrouwen int gevoech.
Daer was ten etene alles gnoech.
Ende naden etene gingen slapen
Heren, vrouwen ende knapen.
21280[regelnummer]
Walewein daer soete ende sachte lach
Ende sliep dat hoge was opten dach.
Ende doe hi op was gestaen
Gafmen water ende ginc saen
Daer ontbiten wel gerede.
21285[regelnummer]
Doen daer geten was ter stede
Bat Walewein den resen daer:
‘Gi heren,’ scit hi, ‘wet vor waer,
Gi moet mi ene bede doen,
Ende dat es dat gi te Karlioen
21290[regelnummer]
Varen sult met al uwer macht,
Ende daer beiden mins veertien nacht
Na sente Jans dach met trouwen;
Ende vort met u dese joncfrouwen
Ende dese vrouwen, des biddic u.’
21295[regelnummer]
Si seiden: ‘Here, al dat gi begeert nu
Dat sele[wi] doen harde gerne,
Ende dies en staet ons niet tonberne.
Wi selen daer dan ember comen.’
Dus heft Walewein orlof genomen
21300[regelnummer]
Ende voer henen in anderen landen.
Nu salic swigen vanden gyganden
Ende van Waleweine vord lesen,
Wat hem gescien sal na desen.
|
|
Auteursrechtvrij