Dat, ende alwie men dese vors. (coeren) waerderen, panden, richten ende houden sal, ende nieman van den gherichte bidden daervoere, lxxiiij.
| 1. | Dese coeren sal de richtere metten scepenen van der stad, och metten scepenen ten orbere ghemaect, of metter waerheit, ocht metten vorsteren van der stad, och metten waerdeerren, dier toe werden ghecoeren, betughen. En eest dat de richtere dese coeren niet en richt daer home vier scepenen wisen te richtene, so sal hi selve dese coeren ghelden. Ende eest dat enech scepen och raetsman vore dese coeren bidt, hi saels ghelden
x. s. |
| |
| 2. | Dese coeren sijn ghemaect behoudeleec ons heren rechten, ende suelen tote sinte Remeysmesse duren. En si dat men se verandere of wederbiede, overmids onsen here, scepenen ende raede van der stad van Dyste. |
|
|
Auteursrecht onbekend