Het keurboek der stad Diest

Van lijken, die men ter Minrebruedere dreeght, xlv.

1.

Daer en lijc van sijre proghien kerken ter Minrebruedere wort ghedraghen, daeraf suelen die kerssen, die te dien lijke hoerden^(2) staen bi dlijc ter Minrebruedere vorgh. tot dat ment eerdt. En dan suelen die kerssen gaen daer si sculdech sijn te gaene, boven twee kerssen, die dien vors. Minrebruedere suelen bliven, eest dat datselve lijc vi. kerssen heeft^(3). En daert vorgh. lijc dan ij. kerssen heeft, daer sal die proghie kerke van den lijke eene kersse hebben ende de Minrebruedere dandre kersse. Ende daeromme^(4) suelen die Minrebruedere den graght dien vors. lijke doen maken. Die desen kerssen elwaer^(5) bekeerde dan hier ghesproken es, souds ghelden x. s.

(2) B: horen.

(3) B vervolgt aldus: Ende ware dat sake dat voergh. lijc inde Gulde ware, dan soude die Gulde een kersse hebben, ende die Mynderbrodere dander.

(4) B heeft: daeraf.

(5) B: elders.