Het keurboek der stad Diest

Van den verkenen op strate of in iemans scade te gaene, xlvj.

1.	Die weydeverkene laet staen op een straete binnen Dyst, hi en drijf se alleneen^(6) voert, saels ghelden v.s.

(6) B heeft verkeerdelijk: allene.

[p. 11]

2.	Die verkene laet gaen binnen Dyste sonder hoede, saels ghelden van elken verkene xviij. d.
3.	Die de verkene vindt in sine scade sal hebben tderdel van den boeten, ende sine scade verghouden. Anders sal onse here tderdel, de stadt tderdel ende de waerdeerre^(1) tderdel hebben. Ende en werden die ghescutte verkene binnen^(2) derden daghe niet ghequijt, op dat hen cont es dies si sijn, so suelen si ons heren sijn. Ende hi sal ghelden de scade ende trecht dat vore es gheseeght^(3).
4.	Die verkene ongerinct in de beemde laet gaen sal ghelden v. s.^(4)

(1) B voegt er bij: diere toe werde gheset.

(2) B: binnen den.

(3) B voegt hier het volgende bij: uytghenomen drien verkenen: s. Anthonise, ende s. Cornelis, ende s. Hubrecht ende sinter Viven, ende een Onser Vrouwen ten Wijngarde, die vrileec selen gaen moghen sonder hoede.

(4) B biedt de volgende lezing aan: Item, soe wie verkene ongherinct vore inden muyl gaen leet inde beemde, saels ghelden v. s. van elken verkene. Ende soe wat waerdeere yeman liet sijn verkene verdinghen, ocht diese verdinct, elc saels ghelden, x. s.