Het keurboek der stad Diest

Van den kerssen te lijken, xliiij.

1.	Daer viere kerssen och meer sijn tenen lijke binnen Dyste, dierre sal hebben de kerke eene, daer die lichame toe^(1) proghide; tgasthuis eene; de Minrebruedere eene, ende de straete daer hi in woende eene. Dit selve sal sijn vanden vreemden lieden, die binnen Dyste sterven. Die dese kerssen elwaer bekeert saels ghelden, van elken broke, v. s. Ende nochtan weder leveren^(2) die kerssen, als vors. es, of also goed^(3).
2.	Wat kinde dat propre kerssen heeft, daer af sal de kerke, daert proghijt, hebben eene, ende tgasthuis eene;

(1) Toe staat niet in B.

(2) B: ende wederkeeren.

(3) B voegt er bij: Ende daer vj kerssen sijn uter prochien van sinter Plissijs, daer sal Onser Vrouwen kerke ene hebben. Ende metter sester kerssen selen si haren wille doen; ende alsoe oec van dien van Onser Vrouwen, optie selve pene.

[p. 10]

	ende daeromme suelen die van den gasthuise den graght maken; die hen die kerssen ontkeerde, souds ghelden x.s.
3.	Die kerssen maect op stroe, van elker kerssen op ene pene van x. s.^(1).

(1) B: saels ghelden van elker kerssen x. s.; en voegt er bij: Ende men sal gheen kerssen hol maken onder boven een halve elle; elc optie selve pene.