Het keurboek der stad Diest

[p. 1]

Keurboek der stad Diest.
Codex A.

Nu volghen de coeren van den vee, dat men slaen wilt tsiene. Van den vleesche int Huis ende buten te waerdeerne, et cet. (Rubrica) xxxiiij.

1.	En ieghelijc vleeschouwere sal sijn vee^(1) vore tvleeschuis bringhen. Ende niet enwech doen, die wardeerre en hebbent ghesien; dies niet en duet saels ghelden c. s.
2.	Twee ghesellen vleeschouwere soelen sijn van eenen rinde te slaene. Ende si en soelen niet vercoepen voort te vercoepene; die anders duet, saels ghelden, alse dicke alse hijt duet^(2) xx. s.

(1) In plaats van het volgende, schreef men erbij in de 16^e eeuw: toenen den waerdeerderen etende, eer hijt sal slaen mogen; welke laatste woorden eene andere hand veranderde in deze: ende niet moegen slaen, de waerdeerders en hebbent zien eten.

(2) Aldus gewijzigd in B: Item, twee vleeschouwere zoelen zijn ghesellen van enen rinde te slane ende te vercopene. Ende zij en zoelent niet vercopen [van later:] om voert te vercopene; die anders duet, zaels ghelden xx. s.

[p. 2]

3.	Een vleeschouwere sal een scaep slaen, een verken ende een kalf^(1); daere meer es in gheselscape, elc saels ghelden xx. s.
4.	Die zoghen vleesch, ocht iet van der zoch, waert ghesouten ocht onghesouten, onder thuis vercoept, saels ghelden xx. s.
5.	Die enegherande vleesch met ruete paleert, anders dan ane dat selve stucke vleesch es ghewassen, saels ghelden xx. s.
6.	Die cranc vleesch onder goed vleesch minct te vercoepene, hi en vercoepe elc bi hem selven, saels ghelden xx. s.
7.	Die gaerdechtech vleesch vercoept, hi en setter bi oppenbaer zout, zaels ghelden xx. s.
8.	Die bi scoene vleesch zaut set, saels ghelden xx. s.
9.	Die calf vleesch opblaest^(2), voedert, ocht ionghere dan van xiiij nachten^(3) vercoept^(4), sal tvleesch verliesen ende ghelden xx. s.
10.	Kalfs hoede, kalfs voete, ende versche wangbrade^(5) van rinderen sal men vercoepen bi rintspensen, ocht buten tshuis^(6), op ene pene van x. s.

(1) B: ende dat vercopen.

(2) B: ocht voedert.

(3) Boven ‘veertien nachten’ staat in B geschreven: drie weken out.

(4) B gaat aldus voort: zaels ghelden xx. s. ende tvleesch daertoe verliesen.

(5) B: wanghebraden.

(6) B vervolgt, van later schrift, aldus: die anders duet, zaels ghelden x. s.

[p. 3]

11.	Tvleesch, dat zavonts en smorghens wert gheslaghen, dat sal men altemale int vleeschuis vore die missetijt bringhen; dies niet en duet, sals ghelden xx. s.
12.	Men sal tsgoensdaeghs vee dinghen ende coepen, ocht enwech gaen ende niet hueden [houden?]^(1), op ene pene van xx. s.

(1) B gaat voort: die anders doet, zaels ghelden xx. s.