Het keurboek der stad Diest

Nu volghen de coeren van den vesche en datter toe behoert, etc., xxxv.

1.	Twee ghesellen suelen sijn te vesche, ende niet meer; daere meer es in gheselscape, elc saels ghelden xx. s.
2.	Den zeevesch en den verschen vesch sal men bringhen ter marct^(2) altemale, ende openbaer vercoepen des godensdaeghs^(3), svridaeghs, tsaterdaeghs, ende alle andere vastendaghe^(4); dies niet en duet, saels ghelden^(5), den vesch verliesen ende daertoe xx. s.
3.	Als men verschen zeevesch des andersdaeghs^(6) ter marct brengt, so sal men home corten sinen stert tot inden vesch^(7); dies niet en duet saels ghelden x. s.
4.	So wie versschen zeevesch opten dach dat hi compt

(2) B schuift hier ‘ende’ tusschen.

(3) B zegt: sgoensdaeghs.

(4) B: allen vasten daghe.

(5) B: zaels ghelden xx. s., ende den vesch verliesen.

(6) B: sanders daeghs.

(7) In plaats van: so sal men etc., zegt B: soe zalmen daer bi zetten een banire op enen stec, twee ellen lanc; etc.

[p. 4]

	vercoept, die en sal onder dien selven vesch, noch op die selve banc, daer hi dien selven^(1) vesch vercochte^(2), enghenen zeevesch inden stert ghecort^(3) vercoepen, noch oec op dien dach enghenen anderen vesch dan op dien dach vorgh. comen es^(4). Ende elc van desen den vesch verloren. Ende op ene pene van xx. s.
5.	Die quaeden vesch ocht quaet vleesch ter marct bringt te coepe, dies dat es, diet uutsnijt^(5), diet te coepe biet, ocht bi wieme dat ment vint, saels ghelden. v. lib. Ende sal een iaer sijns ambachs derven sonder wedersegghen ocht wedercoepen^(6). En dat sal men handelen na raet des richters en der scepenen. En die en suelen met niemanne ghesellen sijn in dien ambachte, dat verboden es^(7), op ene pene van c. s.. Ende wiese in sijn gheselscap nemp^(8) in dien ambachte, ghelt c. s.^(9).
6.	En ieghelijc die vesch pleeght te snidene sal vreemden lieden sniden elc daeghs om ij. s. d.^(10) van Brabant, ende sinen mete vesch; dies niet doen en woude souds ghelden c. s.

(1) Selven ontbreekt in B.

(2) B heeft hier verkeerdelijk: berochte.

(3) In plaats van: inden stert ghecort, heeft B: vander baniren.

(4) B vervolgt aldus: op eene pene van xx. s. van elken van desen, ende allen den vesch, dien hi voerheeft, verloren.

(5) B heeft verkeerdelijk: uutsent.

(6) Bij B ontbreekt: sonder wedersegghen.

(7) Lees: dat hoen verboden es, als in B.

(8) B: nemt.

(9) B: in dien zelven ambachte, zaels oec ghelden c. s.

(10) B: omme ij. s. penninghe.

[p. 5]

7.	Die xx.^(1) carperen ocht meer heeft, saelre xx.^(2) ter marct bringhen; dies niet en duet saels ghelden x. s.
8.	Die teghen vee ocht vesch vorder ghinge of rede^(3) dan binnen der haghen ter lazerien, ocht Langhenbergh^(4), souds ghelden x. s.
9.	Harinc, rivesch^(5) en bolc sal men vercoepen in corve ende niet op kerren, en waren vreemde liede; op ene pene van v. s.

(1) B: twintich.

(2) B: twintich.

(3) B: ocht reede.

(4) B: totter lazarien ende totten Langhenberghe. De woorden: dan binnen etc. zijn doorgehaald, en in de 16^e eeuw schreef men er boven: hij en liet comen ter merct, daert sculdich es te comene.

(5) B heeft: rijnvesch.