Jan van Beverley (1903)

Jan van Beverley

(1903)–Anoniem Jan van Beverley– rechtenstatus

Auteursrecht onbekend

Vorige Volgende


Hoe die heylighe heremijt sint Ian te Rome quam ende hem biechte teghen den paus. [NU heeft sint Ian die goede Heremijt alsoo langhe met grooten arbeyde ende berouwe van sinen sonden ghegaen, als dat hi in die stadt van Romen ghecomen is, ende is terstont tot den paeus gegaen, voor den welcken hi seer ootmoedelijcken op beyde sijn knyen gevallen is, ende wert
[pagina 19]
so wter maten seer weenende dat hy niet een woort ghespreken en conde van grooter weemoedicheit Die paeus dit siende verwonderde hem des wtermaten seer ende seyde met soete woorden tot hem aldus. Pelgrim mi dunct dat ghi mi mint Dat sie ick wel aen u divijseGa naar voetnoot1) God die sterf aen des cruycen rijse Die wilGa naar voetnoot2) u hebben in sijn hoede
[pagina 20]
Mi dunckt aen u dat ghi zijt moede Dat dunct mi wel aen u maniere Pelgrim wilt mi berechten schiere Wt wat lande bistu gheboren Sint Ian Och eertsch vader wtvercoren Dat sal ick u doen bekant Ick ben gheboren wt Enghelant Ende van daer ben ic hier ghecomen Ende ick hebbe dese bevaert aenghenomen Op dat ick mocht hebben Gods ghenade Ick ben met also grooten sonden beladen Och eertsch vader ick wil dat ghi dat wetGa naar voetnoot1) Ick ben met so grooten sonden besmet Ick ben die meeste sondaer een Daer heden den dach oyt op scheen Wildy mi hooren paeus eertsche vader Ick salse u segghen alle gader Ende u alle mijn sonden openbaren Die paeus Ia ick pelgrim wilt mi verclaren Alle u sonden groot ende smal Ick hope dat u God ontfermen sal Ende met Gode suldi ghecrighen soene Op datGa naar voetnoot2) ghijse niet meer en meynt te doene Ende u berouwen ende sijn leet Ende ghi te beteren sijt bereet Met penitencien diemen u sedt
[pagina 21]
Sint Ian Ia ick eertsche vader dat ghy[t] wet Op dat ick mach crijghen Gods ghenade So wil ick doen alle uwen rade Eertsche vader nu hoort mi ende verstaet Ick hebbe ghedaen die quaetste daet Die noyt sondare heeft ghewracht Dat is dronckenscap moort ende vrouwencracht Hoort eertsche vader ic maket u vroet Ick hadde een suster schoone ende goet Op eenen tijt gheviel mi dasGa naar voetnoot1) Dat ick herdeGa naar voetnoot2) droncken was So dat ick op dien selven dach Dede dat mi langhe rouwen mach Van mijnder suster ick segghe dat Die met mi dranck ende adt So dat icse daer neder swanckGa naar voetnoot3) Ende met foortsen daer toe dwanck Dat icse vercrachte dat schoone wijf Ende doen vermoorde ende nam haer dat lijf Ende begroefse doen onder die mouweGa naar voetnoot4) Des mijn herte [leet] grooten rouwe Als ick tot mi selven quam Die paus Deser sonden gelijcke ick nieGa naar voetnoot5) en vernam Noch so en quam mi nie te vooren U herte mach van rouwen schorenGa naar voetnoot6) Als ghi hier op coemt te dincken Die lucht mach van uwen sonden stincken
[pagina 22]
Tis wonder dat ghi niet en versinct Noch in daerde niet en verdrinct En wister God gheen beter inneGa naar voetnoot1) Sint Ian Eertsch vader ick weet wel ende kinneGa naar voetnoot2) Dat ick grootelijck hebbe misdaen Daer wil ic gaerne voor ontfaen Penitencie ende tuwaert blijvenGa naar voetnoot3) Al woudy mi daerom ontlijven Ende oock ontleen van leen tot leenGa naar voetnoot4) Mach mi Gods ontfermherticheyt gheschien Ende ick behouden mach blijven Ick wil mi gheerne laten ontlijven Ende sterven gheerne die bitter doot Die paus Pelgrim uwen rouwe is seer groot Dat merck ick wel aen u ghelaetGa naar voetnoot5) Maer ick en can vinden ghenen raet Noch oock ghegheven te desen stonden En weet geen penitencie voor sulcke sonden Maer des so en wilt u niet verslaen Ick sal u ymmer troosten saen Dat mi vertoont [is] inden gheest In Inghelant staet een foreest [Daer in woont een heremijt] Ende sinen naem des seker sijt Is Ian van Beverlay In allen duechden is hi fray
[pagina 23]
Hi staet voor Gode in grooter weerden Is mi vertoont hier opter eerden Dat hem God heeft wtvercoren Ghi sijt wt Enghelant gheboren Tis wonder ghijs niet en kintGa naar voetnoot1) Die Heremijt Ia ic eertsch vader dat ghijt versint Veel baetGa naar voetnoot2) dan yemant die mach leven God die wilGa naar voetnoot3) hem gratie gheven Dat hi mach crijghen Gods ghenade Ende hem voort hoeden van allen quaden Dies bid ick Gode door sijn ontfermhertichede Hi weet al mijn verholenthede Ende mijn sonden groot en smal Ende mijn quale die weet hi al Met hem heb ic den raet ghenomen Dat ic om gracie aen u ben comen Daerom eertsch vader bid ick dat ghy Hebt ontfermenisse op my Ick wil beteren mijn misdaet Die paus Pelgrim ick en can vinden gheenen raet Wat penitencie ick u mocht setten Daerom gaet sonder langher letten Wederomme nu te hant Aldaer ghi woont in Enghelant Ende bespreect u met Ianne van Beverlaeye Ende leeft bi sinen raeyeGa naar voetnoot4)
[pagina 24]
Dat beveel ic u bi ghehoorsaemheyt Hi is so wijs ende so bescheytGa naar voetnoot1) Ende metGa naar voetnoot2) God so liefghetalGa naar voetnoot3) Ick hope hi u wel segghen sal Wat God met u wil hebben ghedaen Ende voort so doe ick u verstaen Als hi u die penitencie sedt Dan sal hi u absolveren net Ende als hi dat doet die heylighe heremijt Dan in dier tijt So gheve ick hem alle mijn macht Die ick hebbe vander Gods cracht Ende door die verdiente van onsen heere Nu gaet henen met snellen keere Den wech van daer ghi comen sijt Dese woorden gheeynt sijnde is die heylige heremijt sint Ian vanden paus gescheyden ende wter stadt van Romen gegaen met grooter droefheit om dat hi sijns geenen anderen raet en wiste, segghende aldus. Och eertsche vader ghebenedijt En weet ghi mijns anders gheenen raet Dat is mi een cranck toeverlaet Dat ick aen mi selven ben ghewijst O fonteyne die alle die werelt prijst Maria troost alle sondighe creatueren Ghedenct mijns te deser uren Alder werelt hope troost ende toeverlaet Bidt voor mijn sondichlijcke misdaet Christum uwen wel lieven kinde Dat hi mi zijn gratie sinde
[pagina 25]
Ende sijn ontfermherticheyt daer mede Fonteyne alder ootmoedichede Gods moeder ghebenedijt Helpt mi nu daer ghi sijt Ick bidde u coninghinne maghet schoone Keyserinne des hemels throone Laet mi sijn in uwen ghebede Mijn herte roept aen u ter stede Niet en wilt mi verloren laten O moeder alder charitaten Pijnt uGa naar voetnoot1) voor mi te bidden schiere Quijt mi vanden helschen viere O alder ootmoedichste creatuere Reyne maghet suver ende puere Schoone maghet hoort mijn kermen Suyver maghet wilt mijns ontfermen Toont mi in die ure mijnder doot U aenschijn dat is een blijscap groot U heylich leven is een aenschouwen Een exempel alle goede vrouwen In deser werelt ende hier boven Suyver maghet moetmen u loven Mi en can niemant in aertrijcke Conterfeyten ws ghelijcke Wortel van vrouwen moetty blijven Ist oost ist west ick derft wel scrijven	voetnoot1) Voorkomen, houding voetnoot2) Moge voetnoot1) Weet voetnoot2) Indien voetnoot1) Gebeurde het mij voetnoot2) Zeer voetnoot3) Ter neder wierp voetnoot4) Aarde voetnoot5) Nooit voetnoot6) Scheuren, breken voetnoot1) Als God er geen verzoening voor wist voetnoot2) Zie in, begrijp voetnoot3) Mij aan uwe uitspraak onderwerpen voetnoot4) Van lid tot lid ontleden voetnoot5) Manier van doen voetnoot1) Dat gij daarmee niet bekend zijt voetnoot2) (Ik ken hem) veel beter voetnoot3) Moge voetnoot4) Naar zijn raad voetnoot1) Verstandig voetnoot2) Bij voetnoot3) Geliefd voetnoot1) Geef u de moeite

Vorige Volgende

Over het gehele werk

landen

Groot-Brittannië (en Noord-Ierland)

Over dit hoofdstuk/artikel

landen

Italië