Jan van Beverley

(1903)–Anoniem Jan van Beverley– rechtenstatus


Vander penitencien die de heylighe heremijt sint Ian dede doen hi weder in Enghelant comen was. ALs dese heremijt sinte Ian so lange heeft ghegaen met groten arbeyde ende grooten rouwe van sinen sonden
[pagina 26]
is hi na veel reysens ghecomen totter selver plaetsen daer hi sijn suster vermoorde. Ende doen hy de plaetse sach seyde hi aldus. Nu ben ic hier al by der stede Daer ick die groote sonden dede Nu wil ick sonder eenich lettenGa naar voetnoot1) My selven penitencie setten Ende setten mi selven hier Dat ick sal cruypen als een dier Op handen op voeten als een beeste Mijn leven lanck in desen foreeste Ende drincken water ende cruyt eten Dies en sal ick niet vergheten So en spreect ooc nemmermeer mijnen mont Voor der tijt ende der stont Dat een moeder brengt een dracht Een knapelijn kintGa naar voetnoot2) van eender nacht Dat tot mi spreect ende tot my seet Dat God mijn sonden vergheven heetGa naar voetnoot3) Ende nemmermeer soo en spreec ick eer Na dese woorden knyelde hy neder op beyde sijn knyen settende beyde sijn handen opter aerden, ende bestont te gaen op handen ende voeten ghelijck een beeste, dwelck hy dede seven iaer oft daer ontrent, sonder anders te eten dan cruyt ende niet sprekende, maer stom ghelijck een beeste Nu sal ic swijgen vanden heylighen heremijt sint Ian van Beverley ende scrijven vanden grave die doe regneerde in dat lant.	voetnoot1) Zonder dralen voetnoot2) Knaapje voetnoot3) Heeft