Jaerboeken van het souvereine gilde der kolveniers, busschieters en kanonniers gezegd hoofdgilde van Sint Antone, te Gent . Deel 3

1612.
Commissie vanden Bailliu.

Conynck, Overdeken, Deken ende Proviseerders vanden souverainen Gulde van S^t Anthuenis, doen te wetene dat omme tgoedt rapport hemlieden ghedaen vanden persoon van Laureyns Volckaert, f^s Laureyns, ende hemlieden be-

[p. 101]

trauwende up syne suffisantheyt ende idoniteyt, hebben den selven ghecommitteert ende committeren, by desen, als eenen vande twee Baillius vanden selven Gulde, ordonnerende dienvolghende an alle de guldebroeders vanden selven Gulde ende alle anderen dit angaen mach, dat zy den selven Volckaert kennen ende respecteren als Bailliu, ende bydien hem inde selve qualiteyt doen alle hulpe ende assistentie daert van noode werdt, welcken volghende heeft den selven Volckaert den behoorlicken eedt [ghedaen] van hem int selve officie wel ende ghetrauwelick te quytene, midtsgaeders van t'onderhouden ende doen onderhouden d'ordonnantien vanden Gulde, ende dat upde proffyten ende emolumenten tot tselve officie staende tot ons wederroupen. Actum v^en augusti xvi^e twaelfve⁽¹⁾.

(1) Reg. b, f^o xxxv v^o.