Jaerboeken van het souvereine gilde der kolveniers, busschieters en kanonniers gezegd hoofdgilde van Sint Antone, te Gent . Deel 3

1614.
Copie van zeker ordonnantie van myne edele heeren Schepenen vander Kuere staende op zeker ondercorrectie, daerby wordt verclaert dat elck guldebroeder maer en is schuldich in een Gulde te dienen.

Myn heere den Hoochbailliu ende Schepenen vander Kuere ghesien hebbende de resolutie by de Guldens van S^t Jooris ende S^te Anthuenis ghenomen den 22 january ende iiii^en maerte xvi^e twaelfve, onderteeckent de Mets ende Claissone, al respectivelick, hebben, in conformiteyte vandien, gheordonneert ende ghestatueert, ordonneren ende statueren by desen, dat alle de ghone, wesende in meer dan in een vande drye souveraine Guldens deser Stede, sullen moghen ontstaen, midts hemlieden stellende ende onderworpende

[p. 102]

inden dienst van eenen vande selve Guldens dient hun belieft, doende danof dobtie ende verclaers, al eer hy in dienste sal ghecoren worden, van sulcke Gulde ofte Guldens daervan hy hem begheert t'excuseren, blyfvende niet min in dander Gulde ofte Guldens verbonden van huerlieder dootschult sonder meer, ordonnerende elcken dient angaen mach hun hiernaer te reguleren. Actum int Collegie den vyfden aprilis xvi^e veerthiene. (Onderteeckent), J. Vander Speeten⁽¹⁾.

(1) Reg. b, f^o xxxix.