Jaerboeken van het souvereine gilde der kolveniers, busschieters en kanonniers gezegd hoofdgilde van Sint Antone, te Gent . Deel 3

[p. 100]

1612.
Executie upde gone in faulte blyvende te betaelen haerlieder ghelach, enz.

Conynck, Heuverdeken, Deken ende Proviseerders vanden souverainen Gulde van S^t Anthuenis, omme te voorsiene jeghens de clachten die d'Hofmeesters alle jaere doen, van dat zy gheene prompte betaelynghe en connen ghecryghen vande ghelaghen vande gone die commen schieten naer den papegaey ende medeteeren int banquet, ordonneren wel expresselick dat alle de gone commende int voornoemde banquet, ende aldaer ghelaghe ghestelt wordende, dat zy tselve huerlieder ghelach schuldich ende ghehouden sullen syn promptelick te betaelen, uutterlick binnen derden daghe daernaer, up peyne van te verbeuren, ten proffyte vanden aultaer van tGulde, tot x schell. grooten, ende bovendien in ghevolghe vanden vermoghen van tvoornomde Gulde daervooren reelick gheexecuteert te worden. Twelck oock alsoo sal onderhouden worden in alle andere vergaederynghen ende bancquetten vanden selven Gulde. Actum xxvii^en juny xvi^e twaelfve⁽¹⁾.

(1) Reg. b, f^o xxxv v^o.