Jaerboeken van het souvereine gilde der kolveniers, busschieters en kanonniers gezegd hoofdgilde van Sint Antone, te Gent . Deel 3

1612.
Ordonnantie byde welcke d'Hofmeesters ghelast worden te doene de debvoiren daertoe gherequireert ofte yemandt in hunne plaetse te substitueren, enz.

Conynck, Heuverdeken, Deken ende Proviseerders vanden souverainen Gulde van S^t Anthuenis, ghehoort hebbende dat N. thuerlieden laetste vergaederynghe ghecoren als Hofmeestere met N. nyet en verstaet tselve officie te bedienen ende de voorseyde verkiesynghe t'obedieren, hebben gheordineert ende ordineren by desen den selven N. te doene de debvoiren dependerende van tselve officie van Hofmeestere, ofte soo vele te doene dat yemandt vanden Eedt tselve voor hem doe, up peyne van te betaelen dobbel ghelaghe ende alle schaeden ende interesten, die tGulde deur syn refuus ende dilay soude moghen dooghen ende supporteren. Actum den iii^en juny xvi^e twaelfve, present den Conynck, Overdeken, Deken, midtsgaeders Proviseerders, dheere van Erpelghem, Brune, Provost, van Duerne, Kerchove, Blieck, Ruyttens ende van Huffele⁽²⁾.

(2) Reg. b, f^o xxxv.