Jaerboeken van het souvereine gilde der kolveniers, busschieters en kanonniers gezegd hoofdgilde van Sint Antone, te Gent . Deel 3

[p. 69]

1609.
Formulaire van vidimus diemen useert te maeckene, omme uut crachte van diere te gheraecken tot betaelynghe vande vervallen dootschulden.

Allen den ghonen die dese presente lettren zullen zien ofte hooren lesen, Schepenen vander Keure der Stede van Ghendt saluut, doen te wetene dat hedent date deser, van weghen Hooftman, Conynck, Deken ende Proviseerders vanden Souverainen Gulde van myn heere S^t Anthuenis, onderhouden byde busschieters deser Stede, voor ons, Schepenen voornomt, is overbrocht ende ostensie ghedaen vanden guldebouck ofte registre, inden welcken men ghewoone is te stellen ende inregistreren alle de gone, die uut haerlieder eyghen ende vryen wille, hemlieden begheven als guldebroeders van tvoornomde Gulde, metgaeders notitie te houden van zulcx, als elc guldebroeder, in faveure vanden selven Gulde, ordonneert te betaelen voor zyne dootschult, ende hebben wy, Schepenen, inden selven registre f^o x^o, int capitle vande edele, bevonden den persoon van mher Charles van Redeghem, gheseyt Annaert, heere van Liedekeercke, den welcken ghestelt heeft voor zyne dootschult, thien gauden croonen, ende overmidts den voornomden gulderegistre is autentycq meriterende gheloove, ende daerup wy, Schepenen, daeghelicx recht doen dies versocht zynde, zoo hebben wy de voornomde guldebroeders, thuerlieder begheerte, verleent dese jeghenwoordighe lettren van certificatie ofte vidimus autentycq, byde welcke wy, Schepenen, oock certifieren dat m^r Heyndrick Montenbrouck, advocaet, is jeghenwoordich Deken vanden voornoemden souverainen Gulde, in handen vanden welcken men vermach ende ghe-

[p. 70]

houden is te betaelen alle de dootschulden vanden zelven Gulde, als wesende den selven Deken belast mette reele innynghe van dien, ende danof schuldich te verandtwoorden tsynder eerster rekenynghe, in teecken der waerheyt hebben wy, Schepenen, dese doen zeghelen metten zeghel der zaecken vande voornoemde Stede, ende doen teeckenen by onsen Secretaris, te Ghendt, den xxi^en november 1609⁽¹⁾.

(1) Reg. b, f^o xiiij.