Jaerboeken van het souvereine gilde der kolveniers, busschieters en kanonniers gezegd hoofdgilde van Sint Antone, te Gent . Deel 3

1569.
De Proviseerders ofte volghers van tGulde van S^t Anthuenis syn onghehouden te dienen in andere Gulden.

Schepenen vander Keure in Ghendt, ghesien hebbende de supplicatie hemlieden ghepresenteert van weghen Jan van Keercvoorde, daerby te kennen ghevende, dat hy de voorledene jaerschaere, ghehendt S^te Anthuenis daeghe xv^e lxix lestleden, als Proviserere ghedient hadde tGulde van S^te Anthuenis, ghenaempt de busschieters deser Stede, ende noch jeghenwoordich dienende was als volgher, ende hoewel de suppliant, ghelyck alle andere zyne medeguldebroeders, midts den voorseyden dienst, onghehouden ende exempt zyn te dienene in andere Guldens deser voorseyde Stede, zoo by ordonnantien ende ghewysden wel blycken soude eyst noodt, desen nyet jeghenstaende, bevandt de suppliant dat int verkiesen vanden Eedt vanden grooten Gulde van Sinte Sebastiaen onlancx gheleden, de suppliant ghestelt was als Proviserere int voorseyde Gulde, contrarie allessins de privilegien ende oude possessie vanden ghedenomineerden Gulde van S^te Anthuenis, versouckende daeromme onse provisie, soo

[p. 39]

eyst dat Schepenen voornoemt, ghehoort partye, maintenerende tGulde van S^te Antheunis in huer oude observantien, wysen den suppliant onghehouden zynde te dienene int Ghulde van Sinte Sebastiaen, nemaer den selven danof eximerende, ordonnerende die vanden voorseyden Gulde van Sinte Sebastiaen een ander in zyn plaetse om te dienene te kiesene. Actum den xxx^en january xv^e neghentzestich. (Onderteeckent), Prysbier⁽¹⁾.

(1) Reg. b, f^o xii v^o.