Jaerboeken van het souvereine gilde der kolveniers, busschieters en kanonniers gezegd hoofdgilde van Sint Antone, te Gent . Deel 3

1561.
Het wynghelt verteert men binnen den Hove.

Schepenen vander Keure in Ghendt, naer tvertooch themliedenwaerts by supplicatien ghedaen by den Hooftman, Deken ende Proviserers vanden Gulde van mynen heere Sente Anthuenis, ghenaempt de busschieters deser voornoemde Stede, te kennen ghevende, hoe dat uut gratien den Diseniers ende schutters van dese voorseyde Stede weghe gheiont es alle sondaeghe een kanne Ryns wyns, omme daermede onderlynghe te recreeren ende verblydene binnen den Hove vanden voornoemde Gulde, uuterlick in herberghe binnen den ouden Vesten deser voornoemder Stede, nyet jeghenstaende welcken eenighe Proviserers van den voorseyden Gulde waeren ter ghebuerte van huerlieder schuete de voorseyde kanne wyns legghende an, ofte buuten der poorten deser voorseyde Stede, ten verdriete, moeyte ende aerbeyde vande voornoemde supplianten, ende ter confusie van tselve Gulde. Begheerende bydien by ons gheordonneert te werdene, dat van nu voortan alle sondaeghe de schuete ende kanne wyns gheleyt worde binnen den voornoemden Hove van S^te Anthuenis, of andere bequaeme plaetse binnen den ouden Vesten deser voorseyde Stede, ter denominatie vanden ghonen dies schuete dattet es, ende dat elc die houde, up peyne vanden proffyte van

[p. 32]

dien versteken ende ghepriveert te zyne. Soo eyst dat Schepenen voornoemt hebben de Supplianten gheconsenteert ende gheaccordeert, consenteren ende accorderen by desen huerlieder versouck, dienvolghende ordonneren dat van nu voort an de schuete ende kanne wyns vanden voorseyde Gulde van Sente Anthuenis, onderhouden byden selven busschieters, gheleyt sal worden, binnen huerlieder Hove ofte andere bequaeme plaetse binnen den ouden Vesten deser voornoemde Stede, ter denominatie vanden gonen diens schuete dat es, ende dat elc die houde, up peyne van den proffyte van dien ghepriveert te zyne, sonder oock dat zy vermoghen sullen de selve kanne wyns te legghene in eenighe vrye plaetsen. Actum den lesten july xv^e eenentzestich. (Onderteeckent), Prysbier⁽¹⁾.

(1) Reg. b, f^o xvij v^o.