Hollands Nachtegaeltien verryct met een nieu twede deel genaemd Hollandts en Zeeuws Nachtegaels t'samen-gezangh

[p. 121]

Morgen-wecker.

RYst mijn lief ontwaeckt mijn schoon,
Auroraes licht uytbreeckt,
En u geyle min op 't soetste dan verweckt,
Laet u te lechte / om te hechte,
En u rijghsnoer aen te doen,
Comt spoet u lieve Maeght barrevoets in 't groen.

2 Haest u Lief waerde Vrouw,

Eer de Harders komen uyt,
En ons doen te lief ten quaetste niet wort beduyt,
Port u sinne / tot het minne,
En u armen 't lieven leert,
Omhelst hem waerde lief hem die u eert.

3 Hoort ghy niet 't soet geluyt,

Van het queelende gediert,
t' Elckens hoogh ende droogh alwaer haer gallemptjes barst uyt,
Haer kropjes draeye en blaeye,
Om de minne van mijn Vrouw,

[p. 122]

 

Of dat sy haer te minst ontwaken souw

 

 

 

4 't Gout-dradigh hayr swaeyt en draeyt

 

Om 't gelaurierde hooft,

 

Die met kusjes soet mijn eertijts heeft verdooft,

 

Kust nu lief de kus is u,

 

Of ick kus u peerele eer

 

Doet wel mijn eyge hart geeft mijn de eer.

Chi sara sara.