Het hofken der geestelycker liedekens

[p. cxc]

[Na die werelt die menschen loopen]

Op die wys. Ghy sterffelycke beelden.

Na die werelt die menschen loopen
Als die honden na den haes
In haer doot sij loopen met hoopen
Hoe dwaes, hoe dwaes, hoe dwaes,
Es menich mensch eylaes
Hoe cort is swerelts solaes.

Na wellust veel verlangen
Als den vis doet na het aes:
Als den vis werden sij geuangen
Hoe dwaes. &c.

Die die rauen nestelen laten
Dwalen sij niet: mij dunckt iaes:
Met regael sij vullen haer vaten
Hoe dwaes. &c.

Die vreucht vant eewich leuen
Hooren sij als een viesuaes:
Voor eeck sij die wijnen geuen,
Hoe dwaes. &c.

Het oordeel, die doot snelle
Achten sij min als een blaes,
Haer siel is te coop om een spelle
Hoe dwaes. &c.

Ghij princen van Godt vercoren
En weest niet al Thomas
Gheloift eer ghij zijt verloren
Hoe dwaes, hoe dwaes, hoe dwaes,
Es menich mensch eylaes
Hoe cort is swerelts solaes.

Finis.