Het hofken der geestelycker liedekens
(1577)–Anoniem Hofken der geestelycker liedekens, Het–
Auteursrechtvrij
[pagina xcvij]
| |
Die luttel nae v haeckt.
Alom.
O heere voor v ghenaden
En door v minne groot
Hoe geerne soude ick spreken
Tot v een minnelijck woort.
Hoe.
Och edel creatuere
Vrij edel ziele mijn
En wat is v begheren
Dat ghij versueckt aen mij.
Wat is.
Och lief van hooger minnen
Van hooger minnen aert
Hoe geerne soudic mij vermeyden
In uwer minnen gaert.
Hoe geerne.
Och wildy v vermeyden
In mijnder minnen gaert
Soo moet ghijs veel begheuen
Daer uwen sin toe staet.
Soo moet.
Hoe sal ick dat ghemaeken
Mijn lief mijn minnekijn
Soo veel te versaeken
Dat doet mij groote pijn.
Soo.
O edel creatuere
Vrij edel ziele mijn
Slaet doch eens op v ooghen
Aensiet mijn bitter pijn.
Slaet.
Aent cruyce wilt versinnen
In eender perssen swaer
Stont ick om uwer minnen
Om v tontfaen aldaer.
Stont.
O Iesus lieue Heere
| |
[pagina xcviij]
| |
Ick bid v staghet mij bij
Ick wil die werelt laeten
Al om die minne van dij.
Ick wilt nv al begheuen
En soecken daer diepe ootmoet
Dat ick hier naemael mach leuen
En vercrijghen dat eewich goet.
|
|