Het hofken der geestelycker liedekens
(1577)–Anoniem Hofken der geestelycker liedekens, Het–
Auteursrechtvrij
[pagina xxxvi]
| |
Godt groet v Maria eel Coninghinne
Ghy sult den sone Gods vortbringen
Die Heere van alde werelt sal sijn
Heer Ingel hoe soude Godt dat ghehinghen
Dat ick den sone Godts sou vortbringen
Die heere van alde werelt sal sijn
Heer Ingel mocht dat woort aen mij beclyuen
Dat ick een moeder en maecht mocht blyuen
Ic soude soo geerne Godts dienstmaecht sijn.
Den Ingel die vlooch wederom tot Gode
Weest willecom mijn getrouwe bode
En hoe heeft v die maghet ontfaen.
O Heere sij heeft mij soo wel ontfangen
Des wuns en wille is mij soo vergangen
Sij wilde soo geerne Godts dienstmaecht sijn.
Heer Inghel nv vliecht wederom tot hare
En voert den vader den soon in haere
Den vader den soon den heylighen gheest.
Godt groet v Maria edel Coninghinne
Ic vont v een maget, ick laet v met kinde
Nu siet dat ghij bij gode blijft.
|
|
