Het hofken der geestelycker liedekens
(1577)–Anoniem Hofken der geestelycker liedekens, Het–
Auteursrechtvrij
[pagina xxxvij]
| |
Die dengel heeft gedaen
Hebdij van themels throone
Daer den heijligen Geest
ontfaen. Benedicta.
Als Ioseph dat verstonde
Dat Maria was bevrucht,
Hij peysde in sijnen gronde
Hem waer beter
gevlucht. Benedicta tu.
Des hem die Ingel schoone,
Toe sprack ende riet,
Ioseph Dauidts sone
En wiltse begeuen
niet. Benedicta tu.
Noch en ontsietse niet te nemen
Die moeder Godes marien:
Dat van haer wert geboren,
Sal ons van sonden
vrien. Benedicta tu.
Maria en Ioseph mede
Voeren beyde te tsamen,
Tot Bethleem die stede
Daer zy haer herberghe
namen. Benedicta tu.
In een arm huyseken
Sonder wanden oft deuren,
Om datse daer waren van haunen bloot
Moest hun alsoo
gebeuren. Benedicta tu.
Alst quam ter rechter middernacht,
Soo heeft die Maghet gebaert
Een kindeken van grooter macht,
Als ons die Ingel
verclaert. Benedicta tu.
Doen baerde die suyuerlijcke
Den Heere gebenedijt
Van hemel ende aertrijcke:
| |
[pagina xviij]
| |
Loff sij hem tot alder
tijt. Benedicta tu.
Doen sanck met blijden gheschalle
Ioseph Alleluya,
Ende die Inghelen alle
In excelsis gloria,
Et in terra pax hominibus.
Vala sus, Vala sus,
Swijghet soete Iesus
Ghij sijt ons Dominus.
Et in terra pax hominibus.
Die herderkens op den velde
Bij haer schaepkens laghen,
Met eender claerheyt snelle
Den Inghel dat sij
saghen. Et in terra.
Met groote ancxtichede,
Werden sij beuaen,
Die Enghel tot hem seyde,
Laet v ghedachten
staen. Et in terra.
Ende gaet tot Bethleem binnen
Daer suldy nv ten stonden
Iesum Christum gheboren vinden
In doeckelkens
ghewonden. Et in terra.
Daer vonden sij dat kindekijn
Gheleyt in eender cribben
Van hoy was sijn beddekijn,
Hij en woude anders niet
hebben. Et in terra.
Tkindekijn wert nae Moyses wet
Ten achsten daghe besneden
Ouermidts sijn groote ootmoedicheyt
In sijn ionghe leden. Et
in terra.
| |
[pagina xxxix]
| |
Den naem die hem die Enghel gaf
Eer dat kint gheboren was
Die wert hem daer ghegeuen
Iesus men seker las. Et
in terra
Nv laet ons louen desen Heere
Die is ghenoemt Iesus,
Stillen wij hem, hij weent soo seere
Ende sij singhen hem
aldus. Et in terra
Te Deum laudamus vala sus
Vala sus swijghet soete Iesus
Ghij sijt ons Dominus
Te Deum laudamus.
|
|
